Koronavırýs anyqtalǵan qazaqstandyqtar sany 88-ge jetti

Densaýlyq saqtaý mınıstrligi Qazaqstanda koronavırýs anyqtalǵan azamattar sany birneshe adamǵa artyp, 88-ge jetkenin habarlady.

26 naýryz kúni mınıstrlik aldymen 5 naýqastyń, artynsha taǵy 2 naýqastyń tirkelgenin málimdedi.

Sońǵy derekke saı, Nur-Sultan qalasy boıynsha 46 adam, Almaty qalasynda – 34 adam, Qaraǵandy qalasynda – 2, Shymkent qalasynda – 2 adam, Almaty oblysynda – 1 adam, Aqtóbe oblysynda – 1 adam, Jambyl oblysynda – 1 adam, Soltústik Qazaqstan oblysynda – 1 adam jalpy 88 naýqas tirkeldi.

Tótenshe jaǵdaı kezindegi kezekti shara retinde búginnen bastap Almatyda azyq-túlik  satatyn oryndar men dárihanalardan basqa barlyq nysandar jabyldy.