Keshe, 24 naýryz kúni túnde koronavırýs juqtyrǵany anyqtalǵan Jambyl oblysynyń turǵyny bir kún buryn Qyrǵyzstannan kelgen. Bul týraly Jambyl oblystyq densaýlyq saqtaý basqarmasynyń basshysy Marat Jumanqulov aıtty. 

Onyń aıtýynsha, vırýs juqtyrǵan azamat Jambyl oblysy Shý aýdanynyń turǵyny, 29 jasta,  júrgizýshi bolyp jumys isteıdi. 

"Vırýs tabylǵan azamatpen qarym-qatynysta bolǵan adamdar túgeldeı anyqtaldy. Qazir 13 adamdy karantınge jatqyzdyq. Naýqastyń jaǵdaıy birqalypty, densaýlyǵyna shaǵym joq, dene qyzýy baıqalmady" dedi Marat Jumanqulov.

Budan bólek, Jumanqulov áleýmettik jelide "Jambyl oblysy Turar Rysqulov aýdanynyń turǵynynan vırýs tabyldy" degen aqparat jalǵan ekenin aıtty. 

Sońǵy málimet boıynsha, Qazaqstanda 79 adamnan koronavırýs tabyldy. Almatyda – 31 adam, Nur-Sultanda – 41 adam, Qaraǵandyda – 2 adam, Almaty oblysynda – bir adam, Aqtóbe oblysynda – bir adam, Shymkentte – bir adam, Jambyl oblysynda – bir adam, Soltústik Qazaqstan oblysynda bir adam emdelip jatyr.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir