• USD 389.52
  • EUR 429.21
  • RUB 6.07
  • CNY 54.94
28 Naýryz, 23:24:48
Shyńjańdyq dúngen: Dereý qazaqtardan keshirim surańdar! (aýdıo)

24 Naýryz, 2020 NEWS

Abaev qarjylaı kómek kórsetý sharalaryna qatysty pikir bildirdi

Kórneki sýret

QR Aqparat jáne qoǵamdyq damý mınıstri Dáýren Abaev halyqqa bir rettik tólem tóleý syndy popýlıstik sharalardan ádeıi bas tartylyp otyrǵanyn málimdedi, dep habarlaıdy QazAqparat.

– Jańa jaǵdaıdaǵy memlekettik saıasattyń basty baǵyty ekonomıka bolady. 10 mlrd dollar – bul halyqtyń jan basyna shaqqanda óte mol soma. Biz máselen búkil halyqqa birrettik tólem tóleý syndy popýlıstik sharalardan ádeıi bas tarttyq. Biz mundaı ıdeıanyń halyq arasynda nelikten tanymal ekendigin bilemiz. Biraq, onyń tıimdiligi qysqa merzimdi ǵana. Bul júıeli shara emes. Prezıdent alǵa qoıyp otyrǵan mindet – iskerlik belsendilikke túrtki berý. Bıznesti nyǵaıtý, jumys oryndaryn qurý. Kez kelgen daǵdarys – bul múmkindikter terezesi. Bizdiń maqsatymyz – dúkender men saýda núkteleriniń sórelerinde otandyq ónimder úlesin eselep arttyrý, – dedi Dáýren Abaev.

Onyń atap ótýinshe, bul tek qana jumys oryndaryn qurý emes, sonymen qatar táýelsiz baǵa saıasaty, munaı jáne ózge de paıdaly qazbalardyń baǵasyna táýeldiktilikti tómendetý sanalady.

– Úkimet qazirdiń ózinde naqty sıfrlardy jarııalady. Máselen, bıznesti nesıeleý 1 trln teńgege deıin ulǵaıtyldy. Sońǵy mólsherleme 6 paıyz bolady. "Qarapaıym hattar ekonomıkasy" baǵdarlamasynda basymdyqqa ıe taýarlar tizilimi keńeıtiledi. Mıkro jáne shaǵyn bıznes úshin kredıt somasy 360 mln teńgege deıin arttyrylady. Salyq jeńildikteri berilip, tekserý sany tómendetiledi. Import almastyrý maqsatynda qazirdiń ózinde 1 trln teńge somaǵa 258 joba iriktep alyndy. Munyń ózi 25 myń jumys ornyn qurady, – dedi ol.

Mınıstr aýyl sharýashylyǵy salasynda 1 mln 200 myń adam eńbek etip júrgenin de aıtty.

– Salanyń eń birinshi kezektegi mindeti kóktemgi egistik jumystaryn ońtaıly merzimde júrgizý bolyp otyr. Qazirdiń ózinde 94 ınvestısııalyq jobany júzege asyrý bastaldy. Jalpy somasy – 559 mlrd teńge. Prezıdent tapsyrmasyna sáıkes, mańyzdy azyq-túlik pozısııalary boıyna ımportqa táýeldilik máselesin sheshý úshin 390 mlrd teńge qosymsha bólinetin bolady, – dedi Dáýren Abaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir