• USD 389.52
  • EUR 429.21
  • RUB 6.07
  • CNY 54.94
06 Sáýir, 12:15:18
Shyńjańdyq dúngen: Dereý qazaqtardan keshirim surańdar! (aýdıo)

24 Naýryz, 2020 NEWS

"2 kúnge deıin ne isterimizdi bilmeı júrdik": Nur-Sultanda alǵash ret onlaın toı ótkizildi

Foto: vıdeodan skrınshottaldy

Nur-Sultanda alǵash ret onlaın toı ótkizildi, dep habarlaıdy Qamshy.kz aqparat agenttigi Almaty.tv. deregine súıenip.

Derekkóz málimdegendeı, jas jubaılar elimizde alǵash ret ata-anasynan beıneqońyraý arqyly aq bata alǵan. Onyń ústine, nekesin onlaın qıǵan Azamat pen Ásel mańyzdy rásimdi Ulystyń uly kúnine oraı josparlaǵan.

Dálirek aıtqanda, bastapqy sheshim boıynsha qudalyq pen uzatý, neke qııý Arys qalasynda 22 naýryzda ótedi dep kútilgen.

Toı ıesi Azamat Asqaruly eldegi jaǵdaıǵa baılanysty áýelde ne isterin bilmeı qalǵanyn jetkizgen.

"Shynyn aıtsaq, 2 kúnge deıin ne isterimizdi bilmeı júrdik. Eki jas ózimiz baryp qaıtamyz ba? Álde qalaı dep oılanyp júrgen kezimizde úlkender ózderi sheshimge kelip, jubaıymnyń ata-analaryna habarlasyp, onlaın túrde aq batasyn aldy. Biz endi Qazaqstanda alǵash onlaın úılengen juppyz dep ázildeımiz. Qazirgi qaýipsizdik sharalaryn saqtana otyryp, ózimizdiń aǵaıyn-týystyń arasynda, kishkentaı ǵana úıde kelin túsirý otyrysy boldy. Meshitten ımam shaqyryp, aq nekemizdi, eń bastysy Allanyń aldyndaǵy amanat pen ata-ananyń aldyndaǵy amanatty jasadyq. Sóıtip, shaǵyn toıymyz ótti, qazir úıde jatyrmyz bal aıyn ótkizip", – dedi ol.
 
Osy rette onlaın toıdyń oıdaǵydaı ótkenine qýanǵan Azamattyń jary da dertten aman shyqqan soń eki jaqtyń tanysýy bolatyny aıtqan.

"Árıne, qyz uzatý bolmaıdy, tek qudalasý bolady Alla buıyrtsa. Osy dertten aman shyqsaq, eki jaqtyń tanysýy bolady. Onyń bári alda. Bizdiń nıetimiz ben josparymyz boıynsha neke qııý Arys qalasynda ótýi kerek bolǵan. Biraq bári osy jaqta boldy. Onyń barlyǵyn jubaıymnyń ata-anasy, ápkelerimiz telefon arqyly habarlasyp, syrǵa salýdyń barlyǵyn ústel barysynda barlyǵyn kórsetti", – dedi Ásel Ábdimálikqyzy.

Al jas jubaılardyń týǵan-týystary men jaqyndary jyly sózder men tilekterin áleýmettik jeliler arqyly jáne beıneqońyraýlar arqyly jetkizip, onlaın quttyqtaǵan. 

Eldegi jaǵdaıǵa túsinistikpen qaraǵan eki jastyń týystary jazǵa deıin jaǵdaı túzeledi dep úmittenedi. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir