Covid-19 jańa koronavırýs pandemııasy álemde burynǵydan da jyldam tarap bara jatyr. Dúnıejúzilik densaýlyq saqtaý uıymynyń bas dırektory Tedros Adhan Gebreıesýs osylaı málim etti, dep habarlaıdy BBC.

«Alǵashqy naýqas anyqtalyp, olardyń sany 100 myńǵa jetkenshe 67 kún ótti. 100 myńnan 200 myńǵa deıin –  11 kún, al 300 myńynshy oqıǵa tórt kúnniń ishinde tirkeldi» dedi Gebreıesýs Jenevada ótken brıfıngide.

Qazir ınfeksııa álemde 350 myńnan astam naýqastan tabylǵan. Dúısenbi tańerteńgi málimet boıynsha, Covid-19-dan álemde 15 myńǵa jýyq adam qaıtys bolyp, 100 myńy saýyǵyp ketti.

Eń kóp kóz jumǵandar Italııa (5,5 myńǵa jýyq) men Qytaıda (3 153 adam). Ispanııada koronavırýs epıdemııasy bastalǵaly indetti juqtyrǵandardyń eń kóp ólimi tirkelgen. Keshe Covid-19-dan bul elde 462 adam kóz jumdy, bul aldaǵy táýliktegiden 26%-ǵa kóp. Sonymen qatar juqtyrǵandar da kóp –  4 500.



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir