• USD 389.52
  • EUR 429.21
  • RUB 6.07
  • CNY 54.94
06 Sáýir, 10:10:53
Shyńjańdyq dúngen: Dereý qazaqtardan keshirim surańdar! (aýdıo)

23 Naýryz, 2020 NEWS

Resmı: ıpotekalyq tólemderdi úsh aıǵa keıinge qaldyrý týraly sheshim qabyldady

Foto: news.voxball.com

Bul týraly Qamshy.kz aqparat agenttigi "Báıterek" Ulttyq basqarýshy holdıngi" AQ baspasóz qyzmeti deregine súıene otyryp habarlaıdy.

Belgili bolǵandaı, "Báıterek" UBH" AQ turǵyn úı blogynyń enshiles Turǵyn úı qurylys jınaq banki, Qazaqstan ıpotekalyq kompanııasy, Báıterek development syndy uıymdary Qazaqstandaǵy tótenshe jaǵdaıda áreket etý merziminde jeke jáne zańdy tulǵalardyń qaryzdary boıynsha merzimin keıinge qaldyrýdy usynǵan.

"Aǵymdaǵy jylǵy 23 naýryzda Tótenshe jaǵdaı jónindegi memlekettik komıssııanyń otyrysynda aıtylǵan memleket basshysynyń tapsyrmalaryna sáıkes, ýaqytsha qarjylyq qıyndyqtarǵa tap bolǵan jeke jáne zańdy tulǵalar úshin Holdıngtiń turǵyn úı blogynyń enshiles uıymdary barlyq tólem boıynsha, negizgi qaryz ben syıaqy somasyn qosa alǵanda, turǵyn úı jáne turǵyn emes jyljymaıtyn múlik obektilerin satyp alý quqyǵymen jaldaý/satyp alý-satý (onyń ishinde bólip tóleý) barlyq mámileleri boıynsha, aıyppuldar men ósimaqy eseptemeı, aldaǵy 3 aıǵa (sáýir-maýsym) tólemderdi keıinge qaldyrý týraly sheshim qabyldady", - delingen habarlamada.

Bir eskerte ketetin jaıt, atalǵan nesıelerdi keıinge qaldyrýdy memlekettik operatorlar qashyqtyqtan baılanys arnalary arqyly júzege asyrmaq. Iаǵnı, ótinish ıesiniń júginýi arqyly jeke tártippen qaralatyn bolady.

Qashyqtan baılanys arnalary retinde jeke kabınet, telegram-bottar, resmı saıttar atalýda. 

Al ótinish ıesi týyndaǵan barlyq suraq boıynsha call-centr nómirleri boıynsha habarlasýǵa múmkindik jasalyp otyr.

Ol úshin: 

Turǵyn úı qurylys jınaq banki: 300

Qazaqstandyq Ipotekalyq kompanııa: +7 800 080 44 48

Báıterek development: +7 7172 79 65 60, +7 800 080 01 01 nomerlerine habarlasýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir