Almaty kóshelerine daýys zoraıtqyshy bar kólik shyqty (vıdeo)

Almatynyń polısııa departamenti qala mańyn aralap, karantınniń sharttaryn túsindirý jumystaryn júrgizýdi qolǵa aldy, dep habarlaıdy Qamshy.kz aqparat agenttigi Polisia.kz deregin negizge alyp.

Departament málimetinshe, bul tótenshe jaǵdaı kezindegi qoǵamdyq tártip saqtaýǵa jáne halyqty aqparattandyrý úshin mańyzdy. 

"Iri blokpostarda daýys kúsheıtkishter jumys isteıdi. Olardyń kómegimen azamattar jeke qaýipsizdik sharalardy, sanıtarlyq-gıgıenalyq normalardy saqtaý týraly, júk kóliginiń blokpost arqyly ótýi úshin qajetti qujattar tizbesi týraly, tótenshe jaǵdaı erejelerin buzǵany úshin jáne bılik ókilderine baǵynbaǵany úshin kózdelgen jaýapkershilik týraly, sondaı-aq azamattar qalaǵa syıaqy úshin jol júrýge ýáde bergen adamdardyń zańsyz áreketteri týraly habarlaı alatyn keri baılanys arnalary týraly aqparattandyrylady" dep habarlaıdy qalalyq polısııa departamenti.