Bul týraly Qazaqstan prezıdenti Qasym-Jomart Toqaev koronavırýstyq pandemııaǵa baılanysty qabyldanǵan sharalarǵa arnalǵan otyrys barysynda aıtty, dep habarlaıdy Qamshy.kz aqparat agenttigi. 
 
Áýeli Prezıdent jıynǵa qatysqan ákimder men mınıstrlerge jaýapkershilikti seziný kerektigin aıtty.

– Búkil memlekettik apparat jumys retin túbegeıli ózgertip, qalypty jumystan alystaýy kerek. Mundaı qıyn jaǵdaıda memlekettik basqarý túbegeıli ózgertilýge tıis. Biz jaýapkershilikti sezinip, batyl jáne tıimdi sheshimder qabyldaýǵa tıispiz, – dedi Toqaev.

Budan ári Memleket basshysy Úkimet músheleri men ákimderge basqasha rejımde jumys isteıtin kez kelgenin, tipti bundaı jaǵdaıda salǵyrttyq tanytqandar oryndaryn bosatýy kerek ekenin eskertti.

– Osylaısha, memlekettik organdarda týyndaǵan kez kelgen máselelerdi – bıýdjet prosesinde, baǵany retteý, memlekettik satyp alýlar, jeńildikter berý jáne t.b. máselelerdi sheshýge barlyq múmkindik bar. Men Úkimettiń ár múshesine, ákimderge aıtqym keletini – basqasha rejıimde jumys isteıtin kez keldi. Máseleniń mańyzyn túsinbeıtinder jáne «eshteńe bolyp qalmasa boldy» dep áreket etetinder oryndaryn bosatsyn, sebebi bulaı biz bul kúreste jeńe almaımyz, – dedi prezıdent.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir