23 Naýryz, 2020 NEWS

Barlyq kredıt boıynsha tólemder toqtatylady

Kórneki sýret

Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev azamattardyń barlyq zaımdar boıynsha negizgi qaryz somasyn tóleýdi toqtata turý qajettigin aıtty.

– Tótenshe jaǵdaı qoldanysy kezeńinde buǵan deıin qabyldanǵan aıyppuldar men ósimpuldardy esepteýge tyıymmen qatar halyqtyń barlyq zaımdary boıynsha negizgi qaryz ben syıaqy somasyn tóleýin toqtata turý qajet. Bankterden tolyq túsinistik pen azamattyq yntymaqtastyq kútemin, – dedi Toqaev.

Prezıdent azamattar banktik emes uıymdarǵa, lombardtarǵa, onlaın kredıtorlarǵa, mıkroqarjylyq uıymdarǵa kepilsiz nesıe alý úshin júgingen jaǵdaılarda zańnamanyń saqtalýy qajettigin atap ótti.

– Azamattardy aldaýǵa jol berýge bolmaıdy. Qarjy naryǵyn retteý jáne damytý agenttigine, Bas prokýratýraǵa, Aqparat jáne qoǵamdyq damý mınıstrligine zańnamanyń saqtalýyn tekserý boıynsha aýqymdy aksııa júrgizýge jáne zań buzýshylardy jarııa túrde jazalap, muny BAQ pen áleýmettik jelilerde barynsha kórsetýdi tapsyramyn. Bul qazaqstandyqtar qıyn-qystaý jaǵdaıda ózderiniń quqyqtaryn memleket qatań qorǵaıtyndyǵyn bilý úshin qajet, – dedi Qasym-Jomart Toqaev.

Taǵy oqyńyz!
♦ Tótenshe jaǵdaı: Tabysynan aıyrylǵandarǵa járdemaqy, vırýspen kúreskenderge syıaqy beriledi

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir