55 jastan asqandardyń jumysqa shyǵýy shekteledi

Prezıdent Tótenshe jaǵdaı jónindegi memlekettik komıssııanyń otyrysynda qatań sharalarǵa kóshý qajettigi týraly aıtty.

– Tájirıbe kórsetkendeı, medısınalyq júıege túsip jatqan salmaq pen qaza bolý kórsetkishi "rısk toby" dep atalatyn tulǵalardyń úlesine tıip jatyr. Olar 55 jastan asqan adamdar. Olardyń densaýlyǵyndaǵy máseleler ortaq. Sondyqtan olardyń jumysqa shyǵýyn maksımaldy túrde shektep, úıde oqshaýlaýdy qamtamasyz etý qajet. Barlyq qyzmetterdi onlaıynǵa kóshire otyryp, halyqqa qyzmet kórsetý ortalyqtaryn ýaqytsha jaba turýdyń ýaqyty keldi. Turǵyndar baratyn oryndardaǵy sanıtarlyq talaptar múltiksiz oryndalýǵa tıis. Bul máselede únemdeýge jáne ońtaılandyrýǵa bolmaıdy, –  dedi prezıdent.