• USD 389.52
  • EUR 429.21
  • RUB 6.07
  • CNY 54.94
06 Sáýir, 12:40:38
Shyńjańdyq dúngen: Dereý qazaqtardan keshirim surańdar! (aýdıo)

23 Naýryz, 2020 Saıasat

"Sizder eldegi koronavırýs jaǵdaıymen durys aınalysyp jatqan joqsyzdar": tanymal kásipker jan basyna 100 000 teńgeden bólý kerektigin aıtyp úndeý jasady

Iá, bundaı úndeýdi bıznesmen tup-týra Prezıdent pen úkimetke qarata jasady. Onda ol koronavırýs indetimen birge jahandy jaǵadan alýǵa aınalǵan daǵdarystyń Qazaqstandaǵy bıznes klımatqa áserin, ásirese shaǵyn jáne orta bıznes ókilderi úshin tıgizer zardabyn saralaǵan. Onyń aıtýynsha, indet tejelgen kúnniń ózinde jumyssyz halyq memleketten qarjylaı qoldaý tappasa, daǵdarys kútip turǵanǵa uqsaıdy.

Foto: informburo.kz

Bul týraly tanymal kásipker jáne azamattyq belsendi Erlan Núrpeıisov óziniń Facebook paraqshasynda úndeı otyryp jazdy, dep habarlaıdy Qamshy.kz aqparat agenttigi. 

«Jyl saıynǵy Naýryzben quttyqtaý dástúrin buzyp, onyń ornyna bıyl prezıdent pen úkimetke úndeý jasaǵym keledi. Sizder eldegi koronavırýs jaǵdaıymen durys aınalysyp jatqan joqsyzdar. Indet ótedi, biraq Qazaqstandaǵy bızneske qandaı saldar ákeledi, qoǵamnyń belsendi bóligi bolyp tabylatyn shaǵyn jáne orta bıznes qalaı ómir súredi?", - dep suraq tastaıdy.

Budan ári bıznesimen Prezıdent pen úkimetke qoıǵan suraǵynyń sebebin de egjeı-tegjeıli atap ótken.

"ShOK sýbektileriniń kiristeri 50-100% -ǵa tómendedi jáne bul karantın aıaqtalǵannan keıin de birneshe aıǵa jalǵasady, óıtkeni turǵyndardyń ShOB qyzmetteri men taýarlaryna degen suranysty qamtamasyz etý úshin qolma-qol qarajaty joq. Men barlyq halyqqa, eresekterge 100 000 tg jáne kámeletke tolmaǵandarǵa 50 000 tg kóleminde qolma-qol aqsha bólý týraly máseleni shuǵyl qarastyrý qajet dep sanaımyn. Qazaqstan qalalarynda pandemııa men karantınniń uzaqqa sozylýyn eskere otyryp, bul sharany jartylaı nemese tolyqtaı qaıtalaý qajet bolýy múmkin" dep túsindiredi. 

Osy rette azamattyq belsendi shaǵyn jáne orta bıznes sýbektilerine arnalǵan nesıe mólsherlemesi 0-ge teń bolýy kerektigin, 30 mıllıon teńgege deıingi nesıege kepildemeni azaıtý durys deıdi. Ol úshin Ulttyq Bank ekinshi deńgeıdegi bankterge teris mólsherleme -5% mólsherinde nesıe berý qajet, ekinshi deńgeıli bankter de koronavırýspen kúresýge óz úlesterin qosyp, nesıe rásimdeýde paıyzdy tómendetýi qajet dep esepteıdi Erlan Nurpeıisov.

"Eger joǵaryda kórsetilgen sharalar ishki suranysty yntalandyrý jáne el ekonomıkasyn qalpyna keltirý úshin jetkiliksiz bolsa, ShOK úshin úsh aı merzimge demalys jarııalaýy, taǵy bir toqsanǵa uzartylýy qajet. Mundaı buryn-sońdy bolmaǵan jahandyq daǵdarysta úkimet is júzinde bıznes pen halyqqa bet burýy kerek jáne jaı tyńdaýshy ǵana emes, sonymen birge QOLDAÝShY memleketke aınalýy kerek! Olaı bolmaǵan jaǵdaıda, bizde joqshylyq, depressııa men tártipsizdikter oryn alady, saldarynan memlekettik ınstıtýttar qırap, jalyhalyqtyq haos ornaıdy», - deıdi kásipker Erlan Núrpeıisov óz paraqshasynda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir