Karantın: "Altyn Ordada" ajıotaj (fotoreportaj)

Koronavırýsqa baılanysty karantınge jabylǵan Almaty qalasynyń ońtústik oblystarǵa shyǵatyn qaqpasyna qoıylǵan blok-bekette ajıotaj bolyp jatyr. 22 naýryz saǵat 00.00-de qalaǵa kirip-shyǵýǵa tolyqtaı tyıym salynǵanymen, blok-beketke jınalǵan halyq kóp. Bul týraly blok-bekette júrgen Qamshy tilshisi habarlady.  

Blok-beket arqyly qaladan shyǵyp ketýge oqtalǵandarǵa polısııa men arnaıy jasaq tosqaýyl qoıyp tur. Ákimdik ókilderi qala tolyq karantınge jabylǵanyn, qaladan eshkim shyǵarylmaıtynyn aıtsa da, keıbir azamattar qaıtpaı tur.

Qaladan shyǵýǵa tyrysqan adamdardyń aıtar ýáji ártúrli. Biri "Altyn Orda" bazarynda jumys isteımin" dese, endi biri Almatyda aýrýhanada jumys isteıtin aıtady. Budan bólek, "Jaqynym qaıtys boldy. Barmasam bolmaıdy" dep blok-beketten ótýge tyrysqandar da bar. Biraq polısııa blok-beketten medısına qyzmetkerleri men shetel azamattaryn ǵana ótkizip jatyr.

 Taǵy oqyńyz!

♦ Almaty jabylǵan alǵashqy kúndegi ahýal (fotoreportaj)