Almatyda karantın: Blok-beketten adamdardy ótkizbek bolǵandar ustaldy

Almaty polısııasy kólik júrgizýshilerin blok-beketterdi aınalyp ótkizbek bolǵan azamattardy ustady. Bul týraly polisia.kz habarlady. 

Qalanyń batys jaǵynda ornalasqan № 20 baqylaý-postyndaǵy polıseıler bes er adamdy ustady, olar aqshasyn tólegen jaǵdaıda ótkizý beketinen aınalyp ótip, azamattardy qalaǵa alyp kirýge ýáde bergen.

– Olar kómekterin bir adamǵa 3 myńnan 5 myń teńgege deıin baǵalady. Er adamdar ustaldy jáne QR Ákimshilik quqyq buzýshylyq týraly kodeksiniń 476-baby "Tótenshe jaǵdaıdy buzý" boıynsha qylmystyq jaýapkershilikke tartyldy. Almaty qalasynyń mamandandyrylǵan aýdanaralyq ákimshilik sotynyń sheshimimen atalǵan adamdarǵa aıyppul salyndy, – dedi Naýryzbaı aýdandyq Polısııa basqarmanyń basshysy Dıdar Ahanov.

Osyǵan baılanysty, Almaty polısııa Departamenti kezekti ret azamattardy zańǵa baǵynýǵa jáne kedergilerden ótýdiń zańsyz joldaryn izdemeýge shaqyrady.

– Men sizderdi sendiremin, bul áreketter paıdasyz bolady jáne nátıje bermeıdi. Tótenshe jaǵdaı kezinde ońaı aqsha tapqysy keletinderge jaýapkershilikti umytpaý týraly eskertemin. Mundaı faktiler birden toqtatylady, – dedi Ahanov.