Almatyda kommýnaldyq qyzmet aqysyn tóleý jyl sońyna deıin uzartyldy

Tótenshe jaǵdaı saldarynan kommýnaldyq qyzmet aqysyn tóleı almaı otyrǵan Almaty turǵyndaryna boryshtaryn jyl sońyna deıin óteýge múmkindik berildi. Mundaı múmkindik koronavırýs indetine baılanysty karantınge jabylǵan kommýnaldyq qyzmetterdi ýaqytynda tóleýge múmkindigi joq qala turǵyndaryna beriledi.

Búgingi kúnnen bastap karantınge baılanysty qıyn materıaldyq jaǵdaıǵa tap bolǵan tutynýshy telefon arqyly nemese elektrondyq saıttar arqyly qyzmet kórsetýshiniń esep aıyrysý bólimine habarlasyp, jyldyń naýryz jáne sáýir aılary úshin tólemderdiń merzimin uzarta alady.

Tólemder boıynsha keıinge qaldyrý tek jeke tulǵalarǵa sýmen jabdyqtaý jáne káriz júıesi úshin («Almaty Sý» MKK), jylytý jáne ystyq sýmen jabdyqtaý («Almaty jylý jelileri» JShS), elektr energııasy («Almatyenergosbyt» JShS), gazben jabdyqtaý («QazTransGaz Aımaq» AQ Almaty óndiristik fılıaly), telefon baılanysy («Almatytelekom» ATD) qyzmetteri boıynsha beriledi.

Karantın kezinde kommýnaldyq qyzmetterge qaryzy bar turǵyndardy elektr jaryǵynan, sýdan, jylý men gazdan jáne telefon baılanysynan ajyratý josparlanyp otyrǵan joq.

Sondaı-aq jeke tulǵalarǵa kommýnaldyq qyzmet aqysyn ýaqytyly tólemegeni úshin aıyppul salynbaıdy.

Tólemderdi keıinge qaldyrýdy resimdeý úshin kásiporyndardyń call-ortalyqtarynyń nómirleri:

«AlTS»: +7 (727) 341-07-77, [email protected]
- +7 (701) 098-45-05, [email protected] – «Ortalyq» KQKO (Almaly jáne Bostandyq aýdandarynyń turǵyndary úshin);
- +7 (708) 249-87-79, [email protected] – «Batys» KQ (Alataý, Áýezov jáne Naýryzbaı aýdandarynyń turǵyndary úshin);
- +7 (777) 969-84-46, [email protected] – «Shyǵys» KQ (Jetisý, Medeý jáne Túrkisib aýdandarynyń turǵyndary úshin);

«Almaty Sý»: +7 (727) 3-777-444, almatysu.kz jáne as-portal.kz;

«AlmatyEnergoSbyt»: +7(727) 356-99-99, 399-99-00, esalmaty.kz

«QazTransGaz»: +7 (727) 244-55-33, ktga.kz;

«Almatytelekom»: 160, +7 708 000-01-60, telecom.kz;

Tártip AQ: 7 (727) 344-19-19, +7 (727) 393-08-05, +7 (727) 393-08-03, tartyp.kz;

«Almaty lıft»: +7(727) 390-28-19.