Qazaqstanda koronavırýs juqtyrǵan taǵy bir adam anyqtaldy

Qazaqstannyń densaýlyq saqtaý mınıstrligi elde taǵy bir adamnan koronavırýs tabylǵanyn habarlady. Vedomstvo taratqan habarlamada vırýs juqtyrǵan adam Nur-Sultanda tirkelgeni aıtylǵan. 

Osylaısha elde indet juqtyrǵan azamattar sany 54-ke jetip otyr. Buǵan deıin Nur-Sultanda – 28 adam, Almatyda – 22 adam, Qaraǵandyda – 2 adam, Almaty oblysynda 1 adam emdelip jatqan bolatyn. 

Qazaqstanda Covid-19 koronavırýsyn juqtyrǵandar alǵash ret 13 naýryzda anyqtalǵan. Keıin, 15 naýryzda – vırýs juqtyrǵandar sany segiz adamǵa jetkende prezıdent Qasym-Jomart Toqaevtyń jarlyǵymen elde 16 naýryz tańǵy segizden 15 sáýir tańǵy jetige deıin tótenshe jaǵdaı jarııalanǵan bolatyn. Al 19 naýryzdan bastap eldiń eki iri qalasy – Nur-Sultan men Almaty karantınge jabyldy.