Koronavırýs: Almatyda maska satatyn dárihanalarǵa beınebaqylaý kameralary ornatylady

Bul týraly básekelestikti qorǵaý komıtetiniń Almaty qalasy boıynsha departamenti basshysynyń orynbasary Arlan Qalýetov onlaın brıfıngte málimdedi, dep habarlaıdy Qamshy.kz aqparat agenttigi. 

Brıfıngte belgili bolǵandaı, Almatyda qazir qarapaıym maskanyń baǵasy 87 teńge dep bekitilse, kómir fıltrli maska 111 teńgemen satylýda.

«Ol úshin Almatyda 48 dárihana belgilenip, barlyǵyna beınebaqylaý ornatyldy. Beınebaqylaýdaǵy jazba bir aıǵa deıin saqtalatyn bolady. Baǵanyń negizsiz kóterilýi anyqtalǵan jaǵdaıda tıisti sharalar qabyldanady», - dedi Arlan Qalýetov.

Onyń aıtýynsha, qalada qazir baǵany negizsiz kóterý máselesi boıynsha turǵyndardan shaǵymdar kóp túsýde. 

«Bizdiń departament áleýmettik mańyzy bar azyq-túlik ónimderiniń baǵasyn turaqtandyrý boıynsha keshendi sharalardy qolǵa aldy. Betperdeniń baǵasyn negizsiz kóterý faktileri boıynsha departament tarapynan naryq sýbektilerine qatysty tergeý jumystaryn júrgizýde. Bul boıynsha bizge kelip túsken shaǵymdar kóp», – dedi resmı ókil.