• USD 468.56

  • EUR 497.56

  • RUB 7.3

  • CNY 67.18

29 Naýryz, 13:41:01
Almaty
+35°

21 naýryzda Qazaqstanda koronavırýs juqtyrǵan 53-adam anyqtaldy. Densaýlyq saqtaý mınıstrliginiń málimetine qarǵanda, vırýs Almaty qalasynyń irgesindegi, biraq Almaty oblysyna qaraıtyn Qarasaı aýdanynyń azamatynyn tabylǵan.

"1986 jylǵy er adam 17 naýryzda Stambýl – Bishkek reısimen Qyrǵyzstanǵa ushyp barǵan. Ertesinde kólikpen Almaty oblysy Qarasaı aýdanyna kelgen. Qazirgi kezde ol stasıonarlyq karantınge jatqyzylǵan. Jaǵdaıy ortasha" dedi densaýlyq saqtaý mınıstrliginiń resmı ókili Dıas Ahmetshárip. 

Osylaısha Qazaqstannyń tórtinshi óńirinde koronavırýs juqtyrǵan adam tirkelip otyr. Buǵan deıin Nur-Sultanda – 28, Almatyda – 22, Qaraǵandyda – 2 adamnan vırýs tabylǵan. 

Qazaqstanda Covid-19 koronavırýsyn juqtyrǵandar alǵash ret 13 naýryzda anyqtalǵan. Keıin, 15 naýryzda – vırýs juqtyrǵandar sany segiz adamǵa jetkende prezıdent Qasym-Jomart Toqaevtyń jarlyǵymen elde 16 naýryz tańǵy segizden 15 sáýir tańǵy jetige deıin tótenshe jaǵdaı jarııalanǵan bolatyn. Al 19 naýryzdan bastap eldiń eki iri qalasy – Nur-Sultan men Almaty karantınge jabyldy. 

"Qamshy" silteıdi
Ilmek sózder: Koronavırýs Qaskeleń

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir