21 Naýryz, 2020 NEWS

"Bul qıyn-qystaý kezeńnen de súrinbeı ótemiz dep senemin": Toqaev qazaqstandyqtardy Naýryz meıramymen quttyqtady

Foto: elorda.info

Qazaqstan prezıdenti Qasym-Jomart Toqaev el halqyn Naýryz meıramymen quttyqtady, dep habarlaıdy Qamshy.kz aqparat agenttigi

"Barshańyzdy Ulystyń uly kúni – Naýryz merekesimen shyn júrekten quttyqtaımyn! Áz-Naýryz – jańashyldyq pen jasampaz rýhtyń jarshysy. Osy kúnderi Jer-ana qaıta túlep, tirshilik ataýly túgel jandanady. Taǵylymy mol bul mereke – jańarý men jańǵyrýdyń, adam men tabıǵat arasyndaǵy úndestiktiń, kelisim men tatýlyqtyń altyn arqaýy", - delingen Aqordanyń baspasóz qyzmeti jarııalaǵan Toqaevtyń quttyqtaý sózinde.

Budan ári Prezıdent bul meıramdy el halqynyń qashanda aqjarma tilekpen qarsy alatynyn, ulystyń uly kúninde ózara tatýlyq, biregeı yntymaqtastyq pen uly qundyylyqtar dáripteletinin atap ótken.

Sonymen birge, onyń jalpy ulttyq meıram ekenin aıta otyryp, Bul merekeniń qQazaqstan halqyn bereke-birlik pen ortaq múddege jumyldyratynyn jetkizgen.

Ol osy rette qazaqstandyqtardy ulystyń uly kúnimen quttyqtaı otyryp, meıramnyń koronavırýs indetimen tuspa-tus kelgenine ókinishin de bildirgen.

"Pandemııaǵa aınalǵan koronavırýstyń keńinen taralýy jahandyq ekonomıkamen qatar bizdiń elimizge de aıtarlyqtaı zardabyn tıgizýde. Búkil álem kúrdeli synaqty bastan ótkerýde. Osyǵan oraı, meniń Jarlyǵymmen 2020 jylǵy 16 naýryzdan bastap Qazaqstan aýmaǵynda tótenshe jaǵdaı engizildi. Memlekettik komıssııa qurylyp, azamattarymyzdyń densaýlyǵyn qorǵaý jáne elimizdegi ekonomıkalyq ahýaldy turaqtandyrý úshin naqty sharalar qolǵa alyndy. Biz yrys-yntymaǵymyzdyń arqasynda bul qıyn-qystaý kezeńnen de súrinbeı ótemiz dep senemin", - dep sendirdi Qasym-Jomart Toqaev.

Sóz sońynda ol qazaqstandyqtarǵa óz tilegin jetkizdi.

"Sizderge zor densaýlyq, baq-bereke jáne tolaıym tabys tileımin! Áz-Naýryz ár shańyraqqa shattyq pen qýanysh ákelsin! Ulys oń, aq mol bolsyn!", - dedi memleket basshysy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir