Úı karantınindegi adamdarǵa arnalǵan nusqaýlyqtar

Koronavırýspen úı karantıninde jatqan adamdardy Qazaqstan Respýblıkasynyń densaýlyq saqtaý mınıstrligi myna nusqaýlyqtardy oryndaýǵa shaqyrdy:

1. Úıden shyqpaý;
2. Esigi jabyq jeke, jaqsy jeldetiletin bólmede bolý. Tek qajetti rásimder úshin jáne qysqa ýaqytqa ǵana bólmeden shyǵýǵa ruqsat etiledi, bul rette aýyz ben muryn maskamen jabylýy tıis;
3. Vırýstyń taralýyn boldyrmaý úshin túshkirgende nemese jótelgende aýyz ben muryndy bir ret qoldanylatyn qol oramalymen nemese shyntaqty búgip jabý. Osydan keıin qoldy sabynmen jýý nemese spırt negizindegi antıseptıkalyq zatpen dezınfeksııalaý;
4. Qoldy sabynmen jýý nemese tamaq daıyndaǵanǵa deıin jáne odan keıin, tamaq aldynda jáne dárethanany paıdalanǵanǵa deıin jáne odan keıin spırt negizindegi antıseptıkalyq zatpen dezınfeksııalaý. Qoldy súrtý úshin bir ret qoldanylatyn sýlyqtardy paıdalanǵan durys;
5. Múmkindiginshe jeke dárethanany paıdalaný;
6. Temperatýra nemese respıratorlyq sımptomdar paıda bolǵan kezde jáne kez-kelgen medısınalyq problema bolǵan kezde karantın týraly habarlaı otyryp jáne júginý sebebin kórsete otyryp, KVI boıynsha koll-ortalyqqa nemese jedel járdemge qońyrý shalý.

Koronavırýsqa baılanysty resmı aqparatty veb-saıttan jáne densaýlyq saqtaý mınıstrliginiń Facebook-tegi resmı paraqshasynan bile alasyzdar. Suraqtar boıynsha 1406 nómirine qońyraý shalyńyz.