Koronavırýs juqtyrǵan elordalyqtardyń jaǵdaıy belgili boldy

Nur-Sultan qalasyndaǵy koronavırýs juqtyrǵandardyń jaǵdaıy belgili boldy. Bul týraly desaýlyq saqtaý basqarmasynyń basshysy Sáýle Qısyqova málimdedi. Onyń aıtýynsha, koronavırýs juqtyrǵan 25 elordalyqtyń jaǵdaıy jaqsy. 

"Qazirgi tańda barlyq pasıenttiń jaǵdaıy jaqsy. Densaýlyǵyna shaǵymy joq, dene qyzýy qalypty. Sońǵy ret 7 azamattan 19 naýryzda koronavırýs tabyldy. Olardyń bireýi 8 naýryzdan beri vırýs juqtyrǵan pasıentpen jaqyn aralasqan adam retinde stasıonarda jatqan. Alty adam da koronavırýsqa shaldyqqandarmen baılanysta bolǵannan keıin stasıonarǵa jatqyzyldy. Úsh pasıenttiń tamaǵy jybyrlap, qurǵaq jótel baıqaldy, ekeýiniń qyzýy kóterilgen. Qazir báriniń jaǵdaıy birqalypty", - dedi Sáýle Qısyqova elordada ótken bıfıngte.