20 Naýryz, 2020 NEWS

Toqaevtyń bir jylda atqarǵan jumysy tórt tom bolyp jaryq kórdi

Foto: Feısbýk paraqshasynan alyndy

Bul týraly Memleket basshysynyń baspasóz hatshysy Berik Ýálı Facebook paraqshasynda jazdy, dep habarlaıdy Qamshy.kz aqparat agenttigi

Prezıdenttiń baspasóz hatshysy áýeli, osydan bir jyl buryn Qazaqstan halqynyń basym bóligi Toqaevqa daýys bergenin eske túsirgen.

«Qasym-Jomart Kemeluly jýyrda tvıt-paraqshasynda: «Bir jyl buryn asa kórnekti memleket qaıratkeri, jahandyq deńgeıdegi saıasatker N.Nazarbaevtan el tizginin qolǵa alý mártebesi buıyrdy. Memleketimizdiń negizin qalaýshy – Elbasy strategııasynyń sabaqtastyǵyn júzege asyrý úshin kóp jumys atqaryldy...» dep jazdy. Rasynda sol tarıhı kezeńdegi Elbasynyń tańdaýynan keıin, kóp uzamaı ótken saılaý qorytyndysy boıynsha Qazaqstan halqynyń basym bóligi (70,96%) Qasym-Jomart Kemelulynyń kandıdatýrasyna qoldaý bildirip, daýys berdi. Qasym-Jomart Kemelulynyń sol 2019 jyldyń 20 naýryzynan beri qabyldaǵan sheshimderi, ótkizgen kezdesýleri men qabyldaýlary, jalpy atqarǵan jumystary túgeldeı buqaralyq aqparat quraldarynda jarııalanyp otyrdy», - dep jazady Berik Ýálı.

Budan ári prezıdent baspasóz hatshysy Toqaevtyń saılaýaldy baǵdarlamasyn «SABAQTASTYQ. ÁDILDIK. О́RLEÝ» dep atap, óziniń negizgi úsh ustanymyn jarııalaǵanyn eske sala otyryp, kitaptyń shyǵý sebebin de atap ótken.

Dálirek aıtqanda, Prezıdenttiń baspasóz qyzmeti eńbekte Toqaevtyń osy ýaqyt aralyǵynda ártúrli deńgeıdegi minberlerden sóılegen sózderin jınaqtap, bir jyldyq jumystyń qorytyndysy retinde «SABAQTASTYQ. ÁDILDIK. О́RLEÝ» degen atpen 4 tomdyq jınaq shyǵarǵany aıtylady.

Iаǵnı, atalǵan kitaptarda Memleket basshysynyń ártúrli is-sharalarda sóılegen 76 sóziniń tolyq mátini toptastyrylǵan.

"Birinshi kitapqa Qasym-Jomart Toqaevtyń elimizdi damyǵan elderdiń qataryna qosý maqsatymen qolǵa alǵan bastamalary jáne halyqtyń jarqyn bolashaǵy úshin júzege asyrylatyn jobalar týraly oı-pikirleri, memlekettiń aldynda turǵan basym baǵyttary men mindetterin aıqyndaýǵa arnalǵan jalpyulttyq is-sharalarda sóılegen sózderi engizildi. Ekinshi kitapqa Memleket basshysynyń óńirlerdegi jurtshylyqpen kezdesý ótkizip, el men jerdiń taǵdyry, saıası ózgerister, ekonomıkadaǵy serpin, áleýmettik jaýapkershilik jáne basqa da qoǵam ómiri týraly oı-tolǵamdary, elimizdiń aldynda turǵan basym baǵyttar men mindetter jóninde sóılegen sózderi toptastyryldy. Úshinshi kitapqa Qazaqstan Prezıdentiniń shet memleketterdiń basshylarymen kezdesýlerde, álemdik sammıtter men halyqaralyq forýmdarda sóılegen sózderi júıelenip toptastyryldy. Qasym-Jomart Kemeluly Qazaqstan Prezıdenti qyzmetine kiriskennen keıin birneshe aıdyń ishinde Reseı, Qytaı, AQSh jáne Eýrazııanyń basqa da kóptegen eliniń kóshbasshylarymen baılanys ornatyp, shet elderge birneshe memlekettik, resmı jáne jumys saparyn jasady. Birikken Ulttar Uıymy, Táýelsiz Memleketter Dostastyǵy, Shanhaı Yntymaqtastyq Uıymy, Azııadaǵy ózara is-qımyl jáne senim sharalary jónindegi keńes, Eýrazııalyq ekonomıkalyq odaq, Ujymdyq qaýipsizdik shart uıymynyń sammıtterine qatysty. Atalǵan jıyndarda halyqaralyq saıasattaǵy Qazaqstannyń orny, ustanymy týraly málimdemeler jasady. Tórtinshi kitapqa Qazaqstan Prezıdentiniń bir jyl ishindegi otandyq jáne sheteldik buqaralyq aqparat quraldarynda jarııalanǵan maqalalary men suhbattarynda, BAQ ókilderi úshin ótkizgen brıfıngterde elimizdiń shet memlekettermen arasyndaǵy baılanystarǵa, halyqaralyq jáne ishki saıası máselelerge qatysty aıtqan oı-tolǵamdary endi", - deıdi ol.

Sondaı-aq, kitaptyń sońynda 8 suhbat pen 2 derekti fılmniń vıdeonusqasy flesh-kartaǵa júktelip, qosa berilip otyr.

«Mine, QR Prezıdentiniń baspasóz qyzmeti Memleket basshysynyń bir jylǵy atqarǵan jumysynyń jalpy qorytyndysy retinde osy 4 tomdyqty qalyń buqaraǵa usynyp otyr. Kitap saıasattanýshylardyń, jýrnalısterdiń, zertteýshilerdiń jáne jalpy, kez kelgen izdenýshi azamattyń talǵamyna saı keledi degen úmittemiz», - deıdi Prezıdenttiń baspasóz hatshysy Berik Ýálı.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir