19 Naýryz, 2020 NEWS

«Altyn Ordada» qant, kúrish, kartop qymbattaǵan

Almatylyqtarmen men qala irgesindegi eldimekenderdiń turǵyndary kóp baratyn Altyn Orda bazarynda búgin karantın jaǵdaıyna baılanysty tek azyq-túlik pen jemis-jıdek, kókenis qatarlary ǵana istep tur.

Esimin atamaýdy ótingen satýshynyń sózinshe, jemis-jıdek baǵasy qymbattamaǵan. Búginnen bastap oblys turǵyndary qalaǵa kirgizilmeı jatqandyqtan ony alatyn adam da az. «Taýardy ótkize almaı turmyz» degen ol saýdanyń túsip ketkenin aıtty.

Et pavılonyndaǵy satýshylar da «búgin saýda tómendep ketti» dep otyr. Biraq turǵyndar sońǵy kúnderi etti jappaı satyp alǵan. Sodan beri biraz sóreler bos tur. Satýshylar et baǵasy "qymbattamady" deıdi. Sıyr etiniń kılogramy 2000 teńgeden satylyp jatyr.

Qymbatshylyq kelgen azyq-túlik túrleriniń qatarynda kartop kókenisi men qant, kúrish jáne suıyqmaı bar. Birneshe kún buryn 90 teńgeden satylǵan kartoptyń kılogramy búginde 170-180 teńgege deıin ósken. Qant 300 teńge, kúrish 350 teńgeden saýdanalyp jatyr. 5 lıtrlyq suıyqmaıdyń eń arzany 2000 teńge.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir