Karantınge baılanysty qoıylǵan Almaty kireberisterindegi 27 blok bekettiń biri megapolıstiń batys jaǵyndaǵy Altyn Orda bazarynyń mańyna qoıylǵan.

Arnaıy temir qorshaýmen qorshalǵan blok bekette úsh ótkel bar. Birinshisi qalaǵa jeke kólikpen kirýshilerge, ekinshisi qalaǵa jaıaý kirýshilerge, úshinshisi qaladan shyǵýshylarǵa arnalǵan.

Qaladan shyǵýǵa esh kedergi joq. Kólikpen de, jaıaý da shyǵýǵa bolady. Qarasaı, Jambyl aýdanyna qatynaıtyn qoǵamdyq kólikter ádettegideı júrip tur.

Al qalaǵa Almatyda turaqty tirkeýi barlan ǵana kirgizilip jatyr. Kireberiste polısııa qyzmetkerleri azamattardyń qalalyq tirkeýlerin tekserip, medısına qyzmetkerleri arnaıy quralmen kirýshilerdiń qyzýyn ólsheýde. Ár adam jeke-jeke tekserilip jatyr. Sonyń saldarynan qalaǵa kireberiste uzyn-sonar kezek. Kólik keptelisi birneshe shaqyrymdy quraıdy.

Qalada tirkeýi joqtar kirgizilmeıdi. Polısııa qyzmetkerleri keı turǵyndardyń "qalaǵa qalaıda kirýim kerek" degenderine eshteńe isteı almaıtynyn, tártip solaı ekenin túsindirýde.

Post beket mańynda Shymkent, Taraz qalalaryna, Qordaı eldimekenine adam jınap júrgen taksıst kóp. Jol júrý baǵasy ártúrli. Máselen, Qordaıǵa kisi basyna 3 000 teńge men 7 000 myń teńge aralyǵynda surap tur.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir