Koronavırýs: Italııada bir táýlikte 500-ge jýyq adam kóz jumdy

Keshe, 18 naýryz kúni Italııada ótkir dertten 475 adam kóz jumdy, dep habarlaıdy Qamshy.kz aqparat agenttigi RBK agenttigi deregin negizge alyp.

Italııa densaýlyq saqtaý mınıstrliginiń aqparatynsha, elde koronavırýs qurbandarynyń jalpy sany 2,9 myń adamǵa jetse, 28,7 myńnan astam adam aýrý juqtyryp otyr.

Dúnıejúzilik densaýlq saqtaý uıymynyń Reseıdegi ókili Melıta Výınovıchtyń málimetinshe, juqpaly aýyrýdan qaza bolǵandar sanynyń kóp bolýyna kóbine olardyń salǵyrttyǵy sebep bolýda. 

«Italııadaǵy koronavırýs taralýynyń tym aýqymdy bolýyna pasıentterdiń aýrý juqtyrǵanyn tym kesh sezinýi jáne indetke salǵyrt qaraýy sebep bolǵan: vırýs juqtyrǵandar aýrý juqtyrǵanyn sezbeı, tipti aýrýdyń qandaı belgileri bolatynyn bilmeı júre bergen», – deıdi . 

Sonymen birge, koronavırýstan kóz jumǵandardyń kóp mólsherinde burynda sozylmaly aýyrý bolǵany dáleldengen.