18 Naýryz, 2020 NEWS

Karantın: Almatyda adamdardyń ary-beri júrýine tyıym salynbaıdy, qoǵamdyq kólik te júre beredi

Kórneki sýret

Búgin, 18 naýryzda Almatyda brıfıng bolyp, qala ákiminiń orynbasary Erlan Qojaǵappanov karantın qandaı tártipte júzege asyrylatyn aıtty.

Qojaǵappanovtyń sózinshe, Almaty qalasy 22 naýryz túngi saǵat 00.00-de tolyq jabylady.

"Temir jol men áýe tasymaly arqyly ózge óńirde turatyndarǵa qaladan shyǵyp ketýge jáne almatylyqtarǵa qalaǵa oralýǵa týra 72 saǵat ýaqyt beriledi. Al, 22 naýryz 00:00-de Almatyǵa kirip-shyǵý toqtatylyp, tosqaýyl beketteri joldy tolyq jabady.  22 naýryz túngi saǵat 00.00-den bastap temir jol, ishki áýe reısteri de tutas toqtaıdy" dedi ol. 

Ákim orynbasarynyń aıtýynsha, karantın kezinde jedel medısınalyq járdem, qutqarý qyzmeti sııaqty qalanyń tirshiligi úshin mańyzdy kólikterdiń ótýine ǵana ruqsat beriledi. Olar qalaǵa kirer kezde tolyq dezınfeksııadan ótedi.

Qojaǵappanovtyń aıtýyna qarǵanda, qalaǵa kirip-shyǵý shektelgenmen, qala ishinde adamdardyń júrip-turýyna tyıym salynbaıdy, qoǵamdyq kólikter de toqtamaıdy. Buǵan qosa, karantın ýaqytynda azyq-túlik satatyn saýda oryndary, saıabaqtar da jumys isteı beredi. Al ashana, meıramhanalardan tamaqty satyp alyp ketýge ǵana bolady.

 

 

 

 

Ilmek sózder: Koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir