Kaspi bank basqarma tóraǵasy Mıhaıl Lomtadze banktiń klıentterin qoldaý baǵdarlamasynyń iske qosylǵany týraly habarlady.

Búgin Mıhaıl Lomtadzeniń  resmı Youtube arnasynda kompanııa klıentterine úndeýi jarııalandy. Bank basshysy klıentter qandaı qoldaý alatyny týraly aıtty.

– Qurmetti klıentter, Kaspi mıssııasy «Súıikti klıentterimizdiń ómirin jaqsartý. Biz jumysymyzda «Bizdiń klıentterimizge, qazaqstandyqtarǵa jaqsy bolsa, Kaspi-ge de jaqsy» degen mańyzdy prınsıpti basshylyqqa alamyz. Sondyqtan qarjy retteýshisiniń sharalaryna qosymsha biz klıentterdi qoldaýdyń jeke baǵdarlamasyn iske qosamyz, jumyssyz qalyp, ýaqytsha qarjylyq qıyndyqqa tap bolǵan klıentterge aı saıynǵy tólemdi 2 aıǵa shegeremiz.

Klıentterdi qoldaý baǵdarlamasyna ótinimdi Kaspi.kz qosymshasynda 2 sáýirden bastap berýge bolady. Klıentterimiz eshqaıda shyqpasy úshin qyzmetti uıaly qosymshada jasadyq.

Sondaı-aq sizderge 3 mańyzdy nársege nazar aýdarýdy suraımyn.

– Birinshiden, baǵdarlamaǵa qatysý úshin tólenbegen qaryzy bolmaýy kerek.

– Ekinshiden, 18 naýryzǵa deıingi alynǵan zaımdar boıynsha ǵana tólemder shegeriledi.

О́tinemin, qarjylyq jaǵdaılaryńyzdy nasharlatpańyzdar. Eger kiristerińiz mindettemelerińizdi qaıtarýǵa jetpese, qazirden, búginnen bastap jańa qaryz almańyzdar.

Úshinshiden, baǵdarlama aıasynda tólemi keıinge shegerilgen adamdar qarjylyq jaǵdaıy jaqsarǵansha jańa kredıt ala almaıdy. Biz muny birinshi kezekte klıentterge qamqorlyq jasaý jáne olardyń qarjylyq jaǵdaıynyń nasharlaýyn boldyrmaý maqsatymen jasap otyrmyz.

Biz memleketpen, Qazaqstan halqymen birgemiz jáne qazirgi qıyndyqtardy birge jeńýge kómekteskimiz keledi.

Bul birinshi nemese sońǵy synaq emes. Biz kez kelgen qıyn sátte súıikti klıentterimizge barynsha qamqorlyq jasaýǵa tyrysamyz.

Kaspi komandasynyń jáne jeke óz atymnan barlyq qazaqstandyqtarǵa densaýlyq tileımin. О́zderińizdi, jaqyndaryńyzdy qorǵańyzdar. Dúnıejúzilik densaýlyq saqtaý uıymynyń barlyq nusqaýlaryn oryndańyzdar jáne qolma-qol aqshany barynsha az qoldanyńyzdar. Olar da vırýs tasymaldaýshy. Satyp alý men tólemdi  Kaspi Gold kartasy men bizdiń Kaspi.kz qosymshasy arqyly jasańyz, –  deıdi Mıhaıl Lomtadze. 

Ilmek sózder: Qazaqstan Kaspi bank

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir