18 Naýryz, 2020 NEWS
Nur Otan karantınge alynǵan qalalarǵa kómek retinde 150 mln. teńge bóldi
"Nur Otan" partııasy karantın jarııalanǵan Nur-Sultan jáne Almaty qalalaryndaǵy qarttar, múgedekter men kópbalaly otbasylarǵa kómektesý úshin 150 mln teńge bóldi. Bul týraly partııa tóraǵasynyń birinshi orynbasary Baýyrjan Baıbek Instagram paraqshasynda habarlady.
Qamshy.kz
"Elbasy, «Nur Otan» partııasynyń Tóraǵasy Nursultan Nazarbaevtyń tapsyrmasy boıynsha «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda karantın jarııalanǵan Nur-Sultan jáne Almaty qalalaryndaǵy jalǵyz basty qarttarǵa, múgedekter men turmysy tómen kópbalaly otbasylarǵa ataýly kómek kórsetý úshin 150 mln. teńge baǵyttaldy.
⠀
Bul qarajatqa medısınalyq maskalar, antıseptıkalyq quraldar men birinshi kezekte qajetti taýarlar satyp alynyp, olardy partııalyqtar men «Jas Otan» volonterlary halyqtyń turmysy tómen áleýmettik tobyna úlestirip beretin bolady. Sonymen qatar partııanyń Ortalyq apparaty men fılıaldarynyń qyzmetkerleri osy qajettilikterge ózderiniń bir kúndik jalaqylaryn aýdarý týraly sheshim qabyldady.
⠀
Qazir Nur-Sultan jáne Almaty qalalarynyń ákimdikterimen birge koronavırýstyń taralýyna jol bermeý maqsatynda qurylǵan jedel shtabtarǵa kez kelgen kómek kórsetý úshin volonter-eriktilerdiń yqsham toptary jasaqtalýda" dep jazdy Baýyrjan Baıbek.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir