B.Saǵyntaev Almatyda karantın rejımi qalaı júzege asatynyn aıtty

Almaty qalasynyń ákimi Baqytjan Saǵyntaev 19 naýryz kúni saǵat 00:00-de engiziletin karantınniń qalaı júzege asatyny týraly málimdeme jasady.

Qala basshysynyń sózinshe, Almatydaǵy karantınniń basty maqsaty – ınfeksııanyń taralýyn toqtatý.

Karantın boıynsha tómendegideı sharalar qolǵa alynbaq:

– О́zin-ózi oqshaýlaý jáne úı karantıni mehanızmderi arqyly epıdemııaǵa qarsy aýqymdy is-sharalardy júrgizý;

– Kóshelerdi, tratýarlardy jýý, dezınfeksııalaý arqyly juǵý organdaryn buǵattaý;

– Qoǵamdyq oryndarda, turǵyn úılerde sanıtardyq-epıdemıologııalyq dezınfeksııany kúsheıtý;

– Azamattar men avtokólik quraldarynyń Almaty qalasy aýmaǵyna kirip-shyǵýyn shekteý. Qalaǵa kireberisterde 27 blok-beketterin ornatý. Beketterde patrýldik polısııa polki, qorǵanys mınıstrligi men ulttyq gvardııa kúshteri jumyldyrylady.

– Qalaǵa birinshi qajetti taýarlardy (azyq-túlik, dári-dármek, gıgıena quraldary) ákelý úshin jasyl dáliz qurylady;

– Karantın kezeńinde balabaqshalardyń, azyq-túliktik emes saýda oryndarynyń,  rin oıyn-saýyq ortalyqtary  men saýda úıleriniń jumysy toqtatylady.

Aldaǵy ýaqytta Almaty aýmaǵynda shekteý, aldyn alý jáne indetke qarsy sharalardyń tolyq tizbesi jarııalanady.