17 Naýryz, 2020 NEWS

Koronavırýs juqtyrǵan Qazaqstan azamattarynyń sany taǵy da kóbeıdi

Kórneki sýret

Vengrııa astanasy Býdapesht qalasynda Qazaqstannyń bir azamaty koronavırýs juqtyrdy. Bul týraly Qazaqstan syrtqy ister mınıstrligi habarlady.

Mınıstrlik taratqan habarlamada vırýs juqtyrǵan áıel adam ekeni aıtylǵan. 

"16 naýryzda Qazaqstannyń Vengrııadaǵy elshiligine Qazaqstannyń bir azamaty koronavırýs kúdigimen jergilikti aýrýhanalardyń birine jatqyzylǵany týraly habar tústi. Júrgizilgen medısınalyq taldaýlardyń nátıjelerine sáıkes, odan koronavırýs tabyldy. Qazirgi ýaqytta ol azamattyń densaýlyǵy turaqty, aýrýhanada emdelip jatyr. Atalǵan jaǵdaı qazaqstandyq dıplomattardyń erekshe baqylaýynda" delingen vedomstvo taratqan habarlamada.

Buǵan deıin Germanııada júrgen Qazaqstan azamatynan da vırýs tabylǵany habarlanǵan. Al Qazaqstannyń ózinde sońǵy aqparat boıynsha,  barlyǵy 27 adamnan vırýs tabyldy. Olardyń 11-i Almatyda, qalǵan 16-sy Nur-Sultandaǵy aýrýhanada jatyr.

 



Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir