Ashyq derekkóz
Iri saýda nysandary, kınoteatrlar men sport nysandary bir jylǵa salyqtan bosatylady. Bul týraly ulttyq ekonomıka mınıstri Rýslan Dálenov premer-mınıstr Asqar Mamınniń tóraǵalyǵymen ótken Úkimet otyrysynda habarlady.
"Arnaıy salyq rejımderi boıynsha jumys isteıtin kásipkerlerdiń kiristeri osy jyldyń basynan bastap salyqtan bosatylǵanyn atap ótken jón. Jalpyǵa birdeı belgilengen rejımdi paıdalanatyn kásipkerlerdi qoldaýǵa bolady dep sanaımyz.
Keshe Memleket basshysy televızııa arqyly jasalǵan úndeýinde atap ótkendeı, kásipkerlikti qoldaýǵa jáne jańa jumys oryndaryn qurýǵa kem degende 300 mıllıard teńge bólinetin bolady. Nesıelerdi sýbsıdııalaý jáne salyqtyq yntalandyrýlardy berý máseleleri qosymsha pysyqtaldy, sondaı-aq "Qarapaıym zattar ekonomıkasy" baǵdarlamasy sheńberinde 400 mlrd teńgege deıin qosymsha teńgedegi ótimdilik beriletin bolady. Qyzmettik belsendilikti saqtaýdan basqa 160 myń jańa jumys orny qurylady. Jalpy, atalǵan jedel sharalar eńbek naryǵyna jáne ekonomıkaǵa turaqtandyrý áserin beredi" dedi Rýslan Dálenov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir