Túrkistan oblysynda karantınnen qashyp ketken Shymkent qalasynyń turǵyny tergelip jatyr. Bul týraly Polisia.kz habarlady.

"10 naýryz kúni ol Máskeýden Almaty qalasyna ushyp kelgen. Osy reıstegi jolaýshylardyń birinde koronavırýstyń belgisi anyqtalǵan bolatyn. Sol sebepti basqa da jolaýshylar Qazyǵurt aýdandyq juqpaly aýrýlar aýrýhanasyna 14 kúnge karantınge jiberildi. Tártipke kóngisi kelmegen shymkenttik azamat aýrýhanany tastap shyǵady. Dereý izdeýge kirisken polıseıler ony Arys qalasyndaǵy ata-anasynyń úıinen tapty. Sol jerden ol qaıtadan Qazyǵurt aýdandyq juqpaly aýrýlar aýrýhanasyna jetkizildi" delingen habarlamada.

Shymkent qalasynyń týmasy Vetnamda jumys istepti. Álemde koronavırýstyń saldary ýshyqqan sebepti Almaty qalasyna Máskeý arqyly tranzıtpen ushyp kelgen.

Bul jaıt QR Qylmystyq kodeksiniń 304-baby “Sanıtarııalyq qaǵıdalardy nemese gıgıenalyq normatıvterdi buzý” boıynsha sotqa deıingi tergep-tekserýdiń biryńǵaı tizilimine tirkeldi. Polısııa qyzmetkerleri istiń tolyq mán-jaıyn anyqtap jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir