Halyq neni bilý kerek: Toqaev úndeýinde jarlyqtaǵy shekteýler tolyq túsindirildi

Búgin Qazaqstan Prezıdenti Qasym-Jomart Toqaev eldegi jarııalanǵan tótenshe jaǵdaıǵa baılanysty halyqqa úndeý joldap, kúni keshegi ózi jarııalaǵan Jarlyqtaǵy shekteýler mánin tolyq túsindirip ótken bolatyn. Onda halyqty alańdatqan eń basty saýal azyq-túlik dúkenderi men bazarlar jumysy týraly da aıtylǵan.

Osy rette, Qamshy.kz aqparat agenttigi eldegi tótenshe jaǵdaıǵa baılanysty Prezıdent jarııalaǵan  úndeýdiń tolyq nusqasyn nazarlaryńyzǵa usynady.

Qurmetti otandastar!

Barshańyzǵa málim, qazir búkil álem óte kúrdeli ahýaldy bastan ótkerýde. Dúnıe júzin koronavırýstyń taralýy alańdatyp otyr.

Bul indet kúnnen-kúnge ýshyǵyp barady. О́kinishke qaraı, osy dert bizdiń elimizde de tirkeldi.

Meniń keshegi Jarlyǵymmen búgin tańǵy saǵat 08.00-den bastap Qazaqstannyń aýmaǵynda tótenshe jaǵdaı engizildi. Tótenshe jaǵdaı rejımi 30 táýlikke sozylady.

Prezıdent janynan Memlekettik komıssııa quryldy. Ony Premer-mınıstr basqarady. Barlyq qajetti aldyn alý sharalary júzege asyrylady. Qoǵamdyq tártip qatań baqylaýǵa alynady. Kópshilik qatysatyn is-sharalar toqtatyldy.

Kóptegen azamattarymyzdyń aldaǵy mereke kúnderine oraı jospar quratynyn túsinemin. Degenmen, búkil halyqtyń densaýlyǵy úshin osyndaı sheshim qabyldap otyrmyz.

Iri saýda nysandarynyń jumysyn shekteýge májbúrmiz, biraq azyq-túlik dúkenderi jáne bazarlar óz jumysyn jalǵastyra beredi.

Oıyn-saýyq ortalyqtary, kınoteatrlar, teatrlar, kórmeler jáne jurtshylyq kóp baratyn basqa da oryndar ýaqytsha jabylady.

Oqýshylar demalysqa jiberildi. Stýdentter qashyqtan oqytý júıesine kóshti.

Sondaı-aq, azamattarymyz otbasylyq is-sharalardy ótkizbegen jón dep sanaımyn.

Qazaqstan Respýblıkasynyń aýmaǵyna kirýge jáne shyǵýǵa shekteý qoıylady. Memlekettik shekara boıyndaǵy ótkizý beketterinde, vokzaldar men áýejaılarda sanıtarlyq rejım kúsheıtildi.

Meniń tapsyrmam boıynsha Úkimet qorynan dári-dármek, test-júıelerin jáne zerthanaǵa arnalǵan jabdyqtardy alý úshin qarajat bólindi. Aýrýhanalarda oryn jetkilikti.

Osy sharalardyń barlyǵy – azamattardyń densaýlyǵy úshin jasalyp otyrǵan óte mańyzdy qadamdar. Muny durys túsinesizder dep oılaımyn. Saqtanǵandy Qudaı saqtaıdy. Bul indetpen kúresýge tolyq múmkindigimiz bar ekenin basa aıtqym keledi.

Bul qıyndyqty bárimiz bir halyq, bir qoǵam bolyp mindetti túrde eńserip shyǵamyz. Bul – ýaqytsha dúrbeleń. Osy daǵdarystan abyroımen ótýimiz kerek! Engizilgen shekteýlerge ár azamat jaýapkershilikpen qaraýy tıis.

Ár adam barynsha saqtanyp, vırýstyń taralmaýyna atsalysýy qajet. Elimizdiń barlyq azamattary ókiletti organdardyń qyzmetine qolǵabys kórsetedi dep senemin. Osyndaı kezde bárimiz sabyr saqtap, tártipke baǵynýymyz kerek.

Derttiń alǵashqy belgileri paıda bolǵan jaǵdaıda birden turǵylyqty jerdegi dárigerge qaralý qajet. Bárimizdiń azamattyq jaýapkershiligimiz osyndaı sátte synalady. Biz ekonomıkalyq jaǵdaıdy basty nazarda ustaımyz. Memleket barlyq áleýmettik mindettemelerin oryndaıdy.

Elbasymyzdyń sarabdal saıasatynyń arqasynda buǵan qajetti qorymyz qalyptasty. Qarajat bar. Osy oraıda, azyq-túlik qory jetkilikti ekenine nazar aýdarǵym keledi. Kúndelikti tutynatyn taýar baǵasyn negizsiz qymbattatýǵa jol berilmeıdi.

Biz el-jurtty dúrliktiretin, arandatatyn áreketterge tyıym salamyz. Jalǵan aqparat taratyp, dúrbeleń týǵyzatyndar zańǵa sáıkes jaýapqa tartylady.

Buqaralyq aqparat quraldary, ınternet-resýrstar tek resmı málimetterge súıenip, jumys isteýi kerek.

Biz osy jahandyq keselge qarsy turý úshin kúsh-jigerimizdiń myqty ekenin kórsetýimiz qajet. Tatýlyq pen tutastyqtyń arqasynda kez-kelgen qıyndyqtan shyǵýǵa bolady. Sondyqtan, bárimiz bir adamdaı jumylyp, qaýipti indetpen kúresýimiz qajet. Bereke men birlik bárin de jeńedi!