Almatyda 2008 jyly týǵan qyz baladan koronavırýs tabyldy

Qazaqstanda taǵy bir adamnan koronavırýs tabyldy. Bul týraly Densaýlyq saqtaý mınıstrliginiń resmı ókili Dıas Ahmetshárip málimdedi. 

"Almatyda taǵy bir adamnan koronavırýs tabyldy. Ol – 2008 jyly týǵan qyz bala, Qazaqstanǵa Germanııadan ushyp kelgen" dedi Ahmetshárip.

Osylaısha, Qazaqstanda koronavırýs juqtyrǵandar sany 9-ǵa jetti. Olardyń altaýy Almatydaǵy, ekeýi Nur-Sultandaǵy aýrýhanada. Budan bólek, elde qazir 1425 adam stasıonarlyq, 496 adam úıdegi karantınde jatyr.

Búgin Qazaqstan prezıdenti Qasym-Jomart Toqaev koronavırýsqa baılanysty elde bir aılyq tótenshe jaǵdaı jarııalaǵan bolatyn.