15 Naýryz, 2020 NEWS

"Avıasııalyq snarıad bolǵan": Qapshaǵaıdaǵy jarylysqa oraı Qorǵanys mınıstrligi túsinikteme berdi

Almaty oblysy Qapshaǵaı qalasyndaǵy jekeniń ómirin jalmaǵan jarylystyń avıasııalyq snarıadtan bolǵany anyqtaldy. Jarylǵysh zatty oqıǵa ornyna belgisiz úsh adam ótkizgen.

Foto: ashyq aqparat kózderinen

Bul týraly QR Qorǵanys mınıstrligi bergen túsiniktemede aıtyldy, dep habarlaıdy Qamshy.kz aqparat agenttigi. 

Osyǵan deıin jazǵanymyzdaı qaıǵyly oqıǵa Qapshaǵaı qalasynda ornalasqan metall qabyldaý oryndarynyń birinde 14 naýryz kúni bolǵan. 

Áleýmettik jeli arqyly tez taraǵan vıdeoǵa baılanysty jeli qoldanýshylar túrli pikir qaldyrǵan. Sonyń birinde qaza tapqan adamnyń qolynda jarylǵan zattyń áskerı snarıad bolý múmkindigi joǵary ekeni aıtylǵan. 

 Osy oqıǵaǵa baılanysty mınıstrlik resmı saıtynda túsinikteme berdi.

«Qabyldaý pýnkti ıesiniń sózine qaraǵanda, 13 naýryz kúni keshke belgisiz úsh adam metall synyqtaryn alyp kelgen, onyń ishinde basqarylmaıtyn avıasııalyq snarıad bolǵan. Oqıǵa boıynsha tekserý júrgizilip jatyr, barlyq jaǵdaılar naqtylanýda», - delingen Qorǵanys mınıstrligi taratqan habarlamada.

Sondaı-aq, vedomstvo kúdiktilerdiń snarıadty «Qazaqstan» polıgonynan alyp kelýi múmkin ekenin de boljaǵan.

«Eskertýler men qabyldanǵan qaýipsizdik sharalaryna qaramastan metall jınaýshylar polıgonǵa zańsyz enip, snarıad bólshekterin, oq-dári fragmentterin jınaıdy. Áskerı polısııa organdary júrgizgen túsindirý jumystaryna qaramastan olardy jınaý pýnktteri zańsyz qabyldaıdy», - delingen mınıstrlik habarlamasynda.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir