Koronavırýs: Karantınde jatqandar sany 1400-den asty

Qazirgi ýaqytta el aýmaǵynda 1400-den astam azamat stasıonarlyq karantınde, al 545 azamat úı karantıninde jatyr. Bul týraly densaýlyq saqtaý mınıstri Eljan Birtanov málimdedi.

– Jalpy el boıynsha qazirgi tańda 1400-den astam azamat stasıonarlyq karantınde, al 545 azamat úı karantıninde jatyr. Taǵy basqa memleketten kelip jatqan azamattar úsh sanat boıynsha baqylaýda nemese jalpy esepte turady. Osy jaǵdaıǵa baılanysty qajetti is-sharalar memlekettik deńgeıde vedomstvoaralyq komıssııanyń sheshimimen qabyldanýda. О́zderińizge málim, jalpy úlken sharalarǵa tyıym salynyp, olar toqtatyldy. Qazir qajetti sanıtarlyq-epıdemıologııalyq sharalar engizilýde. Árıne, bizdiń negizgi maqsatymyz – osy koronavırýs ınfeksııasynyń taratylýyn toqtatý. Bul baǵytta sanıtarlyq-epıdemıologııalyq qyzmet qajetti barlyq sharany qabyldaýda, – dedi Eljan Birtanov

Onyń aıtýynsha, halyq kóp jınalatyn oryndarda arnaıy sharalar kúsheıtilgen. Almaty jáne Nur-Sultan qalalarynda tirkelgen azamattarǵa baılanysty barlyq baqylaý sharasy engizildi.