15 Naýryz, 2020 NEWS
Shuǵyl: Qorǵas jumysy toqtatylady
Elde koronavırýs indetiniń anyqtalýyna baılanysty 15 naýryzdan bastap «Qorǵas» jumysy toqtatylmaq. Ári bundaı qatań shekteý tártibi oblystyń bas memlekettik sanıtarlyq dárigeriniń erekshe ókimi shyqqanǵa deıin jalǵasady.
Foto: atameken.kz
Bul týraly Qamshy.kz aqparat agenttigi Almaty oblysy ákiminiń baspasóz qyzmetine silteme jasap habarlaıdy.
Belgili bolǵandaı, eldegi koronavırýs ınfeksııasynyń laboratorııalyq dáleldengen jaǵdaıynyń tirkelýine baılanysty onyń oblys aýmaǵyna kelýi men taralýyna jol bermeý maqsatynda Almaty oblysynyń bas sanıtar dárigeri Qaırat Baımuhambetov «Almaty oblysynda koronavırýs ınfeksııasynyń kelýi men taralýyna jol bermeý jónindegi sharalardy kúısheıtý týraly» qaýly qabyldady.
Bul qaýly tıisti zańnamalarǵa jáne QR Densaýlyq saqtaý mınıstri men Almaty oblysynyń ákimimen bekitilgen «Qazaqstan Respýblıkasynda koronavırýs ınfeksııasy anyqtalǵan jáne taralǵan jaǵdaıda áreket etý algorıtmine» sáıkes qabyldandy.
Qaýlyda «Qorǵas» HShYO jumysyn 15 naýryzdan bastap toqtatý jáne «Qorǵas» ShHYO-nyń oblystyń bas memlekettik sanıtarlyq dárigeriniń erekshe ókimi shyqqanǵa deıin jabyq bolatyny týraly aıtylǵan. Sol sııaqty qaýlyǵa sáıkes barlyq óndiristik ǵımarattarda sanıtarlyq-dezınfeksııalyq kúsheıtilgen rejım júrgiziledi.
«Azamattar jappaı jáne uzaq merzim bolatyn ǵımarattarda qol jýýǵa arnalǵan dezınfeksııalaýshy quraly bar jabdyqtar (sanıtaızerler) ornatylýy tıis», - dep jazylǵan qaýlyda.
Oqı otyryńyz: "Qorǵas» ShYHO qazaqstandyq bóliginiń jumysy ýaqytsha toqtatylady
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir