qamshy.kz collage
Koronavırýs juqtyrǵan jolaýshymen birge Germanııadan kelgen qazaqstandyq Instagram jelisine jazba jarııalady. Ol qazir karantınde jatqanyn aıtty.
"Sonymen dostar, eshkim alda ne bolatynyn bilmeıdi. Bizdiń reıste koronavırýs juqtyrǵan jolaýshy bolǵan. Maǵan búgin tańerteń habarlasyp, aýrýhanaǵa jatýǵa daıyndalý kerektigin aıtty. Men zattarymdy jınap, kútip otyrdym. Jedel járdem dene qyzýymdy ólshep, juqpaly aýrýlar aýrýhanasyna alyp ketti. Kúıeýim ekeýmizdi eki bólek palataǵa jatqyzdy. Ár palatada 6 adam jatqyzylǵan. 20:00-de keshki tamaq alyp kelgen, biraq ony eshkim jemedi. Biz bul jerde qansha ýaqyt jatatynymyz belgisiz. Qazir árqaısymyzǵa dárigerler dene qyzýym ólsheıtin qural men qaǵaz ǵana berdi. Ár úsh saǵat saıyn dene qyzýymyzdy ólshep, qaǵazǵa jazyp otyrýymyz kerek. Dárigerler aldaǵy ýaqytta ne bolytynyn, ne isteý kerektigin túsindirse jaqsy bolar edi. Ázirge tekseristen ǵana óttik. Dárigerler óte meırimdi jáne bizge jaqsy qarap jatyr. О́kinishke qaraı, olar eshteńe bilmeıdi. Dostar, ózińizdiń jáne jaqyndaryńyzdyń ómirine qaýip tóndirmeńizder! Karantın degen jaqsy nárse emes. Aldaǵy barlyq saıahattaryńyzdy keıinge qaldyryńyzdar! Jaqyn adamdaryńyzdyń janynda bolyńyzdar", - dep jazdy Aıda Kım esimdi bloger.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir