"AQSh-ta koronavırýstan 1,7 mıllıon adam qaza tabýy múmkin"

AQSh-ta koronavırýstan 1,7 mln adam qaza tabýy múmkin. Bul týraly New York Times basylymy habarlady. 

Sondaı-aq aýrýhanaǵa jatqyzylýy kerek adamnyń sany 2,4 mln-nan 21 mln.-ǵa deıin jetýi múmkin. Bul ulttyq densaýlyq saqtaý júıesine keri áserin tıgizýi múmkin. Sebebi shtattarda bar bolǵany 925 myń aýrýhana tósegi bar. 

Bul málimetterdi AQSh-tyń aýrýlardy baqylaý jáne profılaktıka ortalyqtarynyń qyzmetkerleri jáne ártúrli ýnıversıtetterdiń epıdemııalyq aýrýlar boıynsha sarapshylary aqpan aıynda ótken konferensııadan keıin usyndy.  Olar vırýstyń túrin jáne jyldamdyǵyn zertteý arqyly koronavırýstan qansha adam zardap shegetinin anyqtaǵan. 

Birneshe aıdan bir jylǵa deıingi kezeńde aýrý juqtyrǵandardyń sany 160-tan 214 mln adamǵa deıin jetýi múmkin.

Sońǵy málimetter boıynsha, AQSh-ta koronavırýstyń rastalǵan jaǵdaılarynyń sany 2033 qurady, 47 adam qaıtys boldy.