Almatyda taǵy bir adamnan koronavırýs tabyldy

Qazaqstanda taǵy bir adamdan koronavırýs tabyldy. Bul týraly 13 naýryz keshkisin Densaýlyq saqtaý mınıstrliginiń baspasóz hatshysy Dıas Ahmetshárip habarlady.

"Tórtinshi adamnan koronavırýs tabyldy. Ol – 1976 jyly týǵan Almaty turǵyny. Qazaqstanǵa naýryzdyń 13-i kúni Germanııadan jolaýshylar ushaǵymen kelgen" dedi Ahmetshárip. 

Onyń sózinshe, qazir vırýs juqtyrǵan qazaqstandyq Almatyda arnaıy aýrýhanada jatyr.

Buǵan deıin Densaýlyq saqtaý mınıstri Eljan Birtanov Germanııadan kelgen eki adamnan, Italııadan kelgen bir adamnan koronavırýs tabylǵanyn málimdegen edi. Buǵan qosa, Germanııada júrgen Qazaqstannyń bir azamatynan da vırýs tabylǵany habarlanǵan..