13 Naýryz, 2020 NEWS

Semeıde shetel azamaty koronavırýsqa tekserilýde (vıdeo)

Er adamǵa ázirge JRVI dıagnozy qoıylyp otyr. Covid-19-ǵa tapsyrylǵan analızder zerthanaǵa jiberilgen.

vıdeodan skrınshot

Semeıda Ońtústik Afrıka Respýblıkasynyń azamaty koronavırýs ınfeksııasy kúdigimen aýrýhanaǵa jatqyzyldy. Aqparatty qalalyq densaýlyq saqtaý basqarmasy rastady.

Basqarma taratqan aqparatqa saı, kúdikti adam 1949 jyly týǵan OAR-dyń azamaty. Semeıde jumys isteıdi. Tehnıkalyq jıynǵa Dýbaı men Nur-sultan arqyly Shyǵys Qazaqstan oblysyna kelgen. 12 naýryz kúni ózin jaısyz sezinip, denesi qyza bastap, jeńil tumaý belgileri baıqalǵan. Áreket algorıtmi negizinde jedel járdem stansasy naýqasty arnaıy qorǵanys kostıýminde ınfeksııalyq stasıonarǵa jetkizgen. Pasıent aýrýhanaǵa jatqyzyldy.

– Naýqasqa JRVI, ortasha deńgeıdegi bronhıt, ekinshi deńgeıdegi qant dıabeti dıagnozy qoıylyp otyr. Analızder О́skemendegi zerthanaǵa jiberildi. Onyń nátıjesi erteń anyqtalýy kerek, –  dedi Semeı qalalyq sapany baqylaý jáne taýar men qyzmet qaýipsizdigi basqarmasynyń jetekshisi Berik Tlebaldın.

♦Vırýsolog: Qazaqstanda koronavırýsqa qarsy preparattar jasaýǵa múmkinshilik bar

Buǵan deıin áleýmettik jelilerde "Semeıde koronavırýs tabyldy" delingen vıdeo taralǵan. Onda arnaıy qorǵanys kostıýmindegi qyzmetkerler zembilge salynǵan adamdy qonaq úıden alyp shyǵyp, jedel járdem kóligine salyp jatyr. Vıdeony túsirip turǵan azamattyń "koronavırýs pa" degen saýalyna eshkim jaýap bermedi.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir