QR Prezıdent Ákimshiliginiń kelisimimen Atyraý oblysy ákiminiń orynbasary laýazymyna Baqytgúl Hamenova taǵaıyndaldy, dep habarlaıdy atyrau.gov.kz.

– Baqytgúl Qaıyrjanqyzy tájirıbeli maman retinde bul laýazymǵa laıyqty dep esepteımin, – dedi Atyraý oblysynyń ákimi Mahambet Dosmuhambetov.

Baqytgúl Hamenova H.Dosmuhamedov atyndaǵy Atyraý memlekettik ýnıversıtetinde qazaq tili jáne ádebıeti pánderiniń muǵalimi mamandyǵy boıynsha bilim alǵan. Atyraý munaı jáne gaz ınstıtýtynda munaı jáne gaz ınjeneri mamandyǵyn oqyǵan. M.О́temisov atyndaǵy Batys Qazaqstan memlekettik ýnıversıtetiniń ekonomıka jáne bıznes bakalavryn bitirgen. Fılologııa ǵylymdarynyń kandıdaty jáne saıasattaný beıini boıynsha doktor.

Eńbek jolyn 1999 jyly Atyraý oblystyq teleradıosynyń redaktory qyzmetinen bastaǵan.

2001-2003 jyldary H.Dosmuhamedov atyndaǵy Atyraý memlekettik ýnıversıteti qazaq tili kafedrasynyń oqytýshysy, 2002-2004 jyldary Atyraý munaı jáne gaz ınstıtýtynyń qazaq tili kafedrasynyń oqytýshysy, 2004-2005 jyldary «Rahat TV» Atyraý teleradıo habarlaryn taratý fılıaly qazaq redaksııasynyń korrespondenti, keıin H.Dosmuhamedov atyndaǵy Atyraý memlekettik ýnıversıteti qazaq ádebıeti men jýrnalıstıka kafedrasynyń oqytýshysy, 2005-2016 jyldary Atyraý Kaspıı óńiriniń qazirgi zamanǵy kolledjiniń dırektory qyzmetterin atqarǵan.

2016 jylǵy 24 naýryzdan beri altynshy saılanǵan Qazaqstan Respýblıkasy Parlamenti Májilisiniń depýtaty boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir