Eki qazaqstandyqtan koronavırýs anyqtaldy (vıdeo)

Germanııadan kelgen eki Qazaqstan azamatynda koronavırýs anyqtaldy. Bul týraly densaýlyq saqtaý mınıstri Eljan Birtanov Nur-Sultanda ótip jatqan brıfıng barysynda aıtty.

– Biz, Densaýlyq saqtaý mınıstrligi, jergilikti atqarý organdary koronavırýstyq ınfeksııany Qazaqstanǵa kirgizbeý úshin kóp sharalar iske asyrdyq. Biraq ókinishke qaraı, qaıta-qaıta tekserý nátıjesinde búgin Germanııadan kelgen eki Qazaqstan azamatynan koronavırýstyq ınfeksııa anyqtaldy. Bas sanıtardyń qaýlysymen azamattar Almatydaǵy ınfeksııaǵa qarsy karantındik stasıonarǵa jatqyzyldy. Barlyq sharalar belgilengen algorıtmge saı júzege asýda. Oqshaýlandyrý, karantın sekildi qajetti prosedýralar jasalýda. Klınıkalyq sımptomdar joq. Azamattardyń jaǵdaıy jaqsy, – dedi mınıstr.

Birtanov elde qajetti tósek oryndar men dári-dármekter bar ekenin, qajetti qordyń jetkilikti ekenin, medısına qyzmetkerleri ne isteý keregin biletinin málim etti.

Oqı otyryńyz!

♦ Vırýsolog: Qazaqstanda koronavırýsqa qarsy preparattar jasaýǵa múmkinshilik bar