13 Naýryz, 2020 NEWS

"Jappaı satyp alýdyń qajeti joq": Almaty ákimdigi turǵyndardy daýryqpaýǵa shaqyrdy

Almatyda saýda ortalyqtarynda halyq azyq-túlikti talasa-tarmasa satyp alyp jatyr. Oǵan eldegi koronovırýsqa saqtyq sharalarynyń kúsheıýi sebep bolǵan. Al shahar ákimdigi bulaı dúrligýdiń qajeti joq dep otyr.

Foto: qamshy.kz

Bul týraly  Qamshy.kz aqparat agenttigi QazAqparat deregine súıene otyryp habarlaıdy. 

Almaty qalalyq kásipkerlik jáne ınvestısııalar basqarma basshysy Erkebulan Orazalınnyń aıtýynsha, qalada azyq-túlik qory jetkilikti.

«Keshe gıpermarketterde, iri saýda núktelerinde adamdar azyq-túlikti jappaı satyp alyp jatty. Olaı jasaýdyń qajeti joq. Turǵyndar osyndaı áreketterimen baǵanyń ósýine ózderi jol beredi. Bul naryqtaǵy qalypty jaǵdaı. Suranystyń óskenin baıqaǵan jetkizýshiler osy sátti paıdalanyp qosymsha aqsha tabýǵa tyrysady. Árıne, biz óz tarapymyzdan aldyn alý sharalaryn qoldandyq, barlyǵymen sóılestik. Biz bul prosesti barynsha saqtaımyz, biraq naryqtyń aty naryq. Mysaly, qanttyń baǵasy aıtarlyqtaı ósti», – deıdi Erkebulan Orazalın.

Sondaı-aq, ol taýarlardyń basym bóligi otandyq ónim ekenin de atap ótken.

«Dúken sórelerindegi azyq-túlik azaımaıdy. Biz barlyǵymen únemi baılanysta bolamyz. Saýda oryndarynyń qoımalarynda taýar jetkilikti. Sondyqtan bir jylǵa tamaq alýdyń qajeti joq»,- dedi ol. Spıkerdiń aıtýynsha, eger qalada karantın jarııalansa, álemdik tájirtbegee súıenedi. Iаǵnı vırýsqa qaramastan azyq-túlik dúkenderi jabylmaıdy. Olar qalypty rejimde jumys isteıtin bolady. Halyq osyny túsinýi kerek. « Azyq-túlik baǵasyna kúndelikti monıtorıng júrgizilip otyrady. Basqa elden keletin taýarlar temirjol arqyly jetkiziledi. Jalpy, qaladaǵy áleýmettik mańyzy bar azyq-túlik ónimderiniń jyldyq tutynýy 860 myń tonnany quraıdy»,- deıdi resmı ókil.

 

Taǵy oqı otyryńyz: Bos sóre, azyq toly arba. "Magnýmdaǵy" dúrbeleń (fotoreportaj)



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir