"Qol berip amandaspaý": Qazaqstan musylmandary dinı basqarmasy úndeý jarııalady

Qazaqstan musylmandary dinı basqarmasy koronavırýstyń aldyn alý sharalaryna qatysty úndeý jarııalady, dep habarlaıdy Qamshy.kz aqparat agenttigi. 

Mátin qaz-qalpynda berilip otyr: 

Búginde álem jurtshylyǵyn dúrliktirgen koronavırýs kóptegen elderge tarap úlgerdi. Vırýsty juqtyrǵan adam sany artýda. Bul dert bizdi de alańdatyp otyr. Sol sebepti, ár adam óz otbasyna, ujymyna, týǵan-týystaryna jaýapty tulǵa bolǵandyqtan, árqashan saqtyq sharalaryn jasaýy tıis. Paıǵambarymyz Muhammed (oǵan Allanyń salaýaty men sálemi bolsyn): «О́zine de, ózgege de zııan keltirýge bolmaıdy», – degen. Al halqymyzda «Aýyryp em izdegenshe, aýyrmaıtyn jol izde» degen naqyl bar. Osy rette Qazaqstan musylmandary dinı basqarmasy barsha musylman qaýymyn kópshilikpen ótetin as-sadaqa men jıyndardy, is-sharalardy múmkindiginshe keıinge shegerýge shaqyrady. Al jamaǵatpen oqylatyn bes ýaqyt namazǵa qatysqan jaǵdaıda qulshylyqtan keıin qol berip amandasýdan, bir orynǵa jınalyp duǵa etýden saqtanýymyz asa qajet. О́ıtkeni, qulshylyqtan keıin qol alyp amandasý namaz sharttaryna jatpaıdy.

Meshitke kelýshi musylman jamaǵatyn tómendegi saqtyq sharalarǵa mán berýge shaqyramyz:

Meshitke betperde (maska) kıip kelý;

Namazdan tys meshitte toptaspaý;

Meshitke úıden dáret alyp kelý;

Meshitke kirgende jáne namazdan soń qol berip amandaspaý;

Namazdan keıin kóp kidirmeı meshitten shyǵý;

Jamaǵatpen oqylatyn namazǵa balıǵatqa tolmaǵan balalardy alyp kelmeý;

Qarııalardyń, naýqastar men áıelderdiń jamaǵat namazyna qatyspaǵany abzal.

Paıǵambarymyz (oǵan Allanyń salaýaty men sálemi bolsyn) ósıetinde: «Bir jerde juqpaly aýrýdyń bar ekenin bilseńder, ol jerge barmańdar, al eger sol jerde bolsańdar, syrtqa shyqpańdar», – degen (Mýslım). Sondyqtan barsha jamaǵatty ózi men otbasynyń, elimiz ben jerimizdiń amandyǵy úshin Jaratqanǵa duǵa jasaýǵa shaqyramyz. Alla Taǵala jer betindegi kúlli adamzatty túrli apattan, jaman aýrýdan saqtaǵaı! Ámın!

Barlyq quqyqtar qorǵalǵan. inform.kz belsendi siltemeni paıdalanyńyz https://www.inform.kz/kz/kmdb-koronavirustyn-aldyn-alu-sharalaryna-katysty-undeu-zhariyalady_a3624354