13 Naýryz, 2020 Saıasat

Atyraý ortalyqqa aýdaratyn qomaqty qarjynyń málim mólsherin ózinde alyp qalǵysy keledi

Atyraýda Májilistiń Qarjy jáne bıýdjet komıtetiniń kóshpeli otyrys ótip, kezdesýde respýblıkalyq bıýdjettiń maqsatty jáne tıimdi paıdalanylýy men úsh jyldyq bıýdjettik transfertterge ózgertýler eńgizý máseleleri talqylandy.

Foto: ashyq aqparat kózderinen

Bul týraly Qamshy.kz aqparat agenttigi Parlamenttiń baspasóz qyzmeti deregin negizge ala otyryp habarlaıdy. 

Derekkóz málimetinshe, jıynda Atyraý oblysy ákiminiń birinshi orynbasary Serik Shápkenov te sóz alǵan. Onyń aıtýynsha, oblys  ortalyqqa únemi qomaqty qarjy aýdarǵanymen jergilikti jerlerde biraz másele sheshilmeı keledi.

«Olardy retteý úshin respýblıkalyq bıýdjetten qarjylandyrý qajet. Atap aıtqanda,  respýblıkalyq bıýdjet esebinen salynǵan jańa áleýmettik nysandardy qamtamasyz etý máselesi de bar»,-dedi ákim orynbasary.  

Bul  rette depýtat Serik Qusaıynov mınıstrlig Atyraý oblysynyń ortalyqqa qomaqty qarjy aýdaryp otyrǵanyn eskerý kerek ekenin aıtty. Onyń pikirinshe, oblystan ortalyqqa "qaltasyna" túsetin aýdarymdardyń bir bóligin aımaqtyń ózinde qaldyrsa quba-qup.

Sebebi, sonyń arqasynda óńirde shaǵyn jáne orta bıznesti, sonymen birge, otandyq óndiristi qoldaý arqyly salyq bazasyn damytýǵa múmkindik týmaq.

Iаǵnı, óndiris kóbeıgen saıyn odan túsetin salyq ta artpaq. Sonyń arqasynda ortalyqqa aýdarylatyn aqshanyń kólemi artpasa, kemimeıtinge uqsaıdy. Bul úkimetpen qatar halyqqa da tıimdi bolmaq.

О́z kezeginde Qarjy mınıstrliginiń ókili bundaı uysynysty eskeretinin jetkizdi.

"Búginde aımaqtarǵa qoldanysqa jańadan berilgen nysandardy qamtamasyz etýge respýblıkalyq bıýdjetten transfert bólinbeıdi. Qazirgi bıýdjet zańnamasynda qoldanystaǵy bar nysandardy ǵana qarjylandyrý kózdelgen,  mysaly, bilim berý mekemeleri sııaqty. Mınıstrlik osy máseleni  jaqyn arada sheshýge kirisedi", – dedi Qarjy mınıstrliginiń bıýdjettik saıasat departamenti basshysynyń orynbasary Aıgúl Aıtbaeva.

 

taǵy oqı otyryńyz: Atyraý Qazaqstandy áli asyrap tur

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir