12 Naýryz, 2020 NEWS

Bos sóre, azyq toly arba. "Magnýmdaǵy" dúrbeleń (fotoreportaj)

"Koronavırýs qaýipine baılanysty karantın jarııalanyp, eshkimdi úıinen shyǵarmaýy múmkin" degen el ishindegi alyp-qashpa áńgime kópti dúrliktirgenge uqsaıdy.

Búgin Almatydaǵy azyq-túlik jáne turmystyq zattar satatyn bazarlar men iri dúkenderde "karantınge" qamdanyp jatqan jurttyń qarasy erekshe kóbeıgen. Qamshy tilshisi almatylyqtar kóp baratyn sýpermarketterdiń biri – "Magnýmnyń" Momyshuly/Rysqulovtaǵy núktesindegi jaǵdaıdy kórip qaıtty.

Tutynýshylar negizinen un, makaron ónimderi, kúrish, qaraqumyq, qant, burshaq sekildi azyq-túlik túrlerin, suıyqmaı men tomat pastasyn, kartop pen pııazdy kóptep satyp alýda. Atalmysh taýarlar satylatyn sórelerdiń birazy bosap qalǵan. Satýshylar sórelerdi ústi-ústine toltyryp jatyr.

Kassa mańy uzyn-sonar kezek. Kezeginiń kelýin saǵattan astam ýaqyt tosyp turǵandar da bar. Júıkesi syr bergen bir-eki satyp alýshy kezek úshin janjaldasyp ta aldy.

Dúkenniń anyqtama bólimi qyzmetkerleri mundaı dúrbeleńdi túsinbeı dal. О́zge núktelerde de satyp alýshylar kúrt kóbeıgen.

Olardyń sózinshe azyq-túlik tapshylyǵy joq. Baǵa burynǵydaı.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir