12 Naýryz, 2020 Aıtty-eı, baýyryń!

"Toqaevtyń óz erkimen doǵarysqa ketýine sebep jetkilikti..."

MYŃ JYLDA KELMES ORAI: KORONOVIRÝSTYŃ SAIаSI SINDROMY

fotokollaj

Elimizde sońǵy kúnderi oryn alyp jatqan oqıǵalar: bas sanıtar Bekshınniń koronovırýs 11-16 naýryz aralyǵynda Qazaqstannan da «nakones to» tabylatyny týraly «ýádesi», Elbasynyń Pýtınmen kezdesýi, koronovırýs pandemııasyna baılanysty Toqaevtyń Naýryz merekesiniń qoǵamdyq is-sharalaryn toqtatýy, Senat tóraıymynyń óse túsken belsendiligi, 16 naýryzdan bastap mektepter men JOO oryndarynda sabaqtyń belgili bir merzimge deıin toqtatylýy elimizde oryn alýy yqtımal mańyzdy ózgeristerdiń alǵysharttary tárizdi kórinedi.


20 naýryzda Qasekeńniń prezıdenttik taqqa otyrǵanyna týra bir jyl tolady. Bul merzimde ol ekinshi jáne úshinshi kezektegi birqatar jumystardy atqarǵanymen memleket pen halyq úshin mańyzdy birinshi kezektegi (eldegi bılikti tolyqtaı óz qolyna alý, jańa Konstıtýsııa qabyldaý, saıası rejımdi ózgertý, t.b.) máselelermen múlde aınalysa almady. Sóıtip Prezıdent Elbasynyń kóleńkesinen shyǵa almaı qaldy. Ekonomıkalyq ahýal da kúrt quldyrady, syrqy elderge qaryz 158 mlrd dollarǵa taıady. Ishki baǵamda dollar bolsa anaý 400 teńgeden joǵary sharyqtaǵan. Syrt kózge Prezıdenttiń óz erkimen doǵarysqa ketýine sebep jetkilikti...


Bir jyl bul bıliktiń de, halyqtyń da kútip otyrǵan merzimi. Byltyr memleket basshysy prezıdenttikten ketetini týraly jarııa etken tusta sarapshylardyń bári bul qadamnyń maqsaty – Darıǵany taqqa otyrǵyzý ekendigin aına-qatesiz sezgen. Basqa da qosymsha nusqalar qarastyrylǵanyn esepten shyǵarýǵa bolmaıdy. Biraq qazirgi jaǵdaıda barlyq sharýa osy ıdeıanyń fınalyna bastap keledi.


Iаǵnı tipti taıaý kúnderde Q.K.Toqaev túrli sebeppen óziniń doǵarysqa ketetinin málimdese óz basym múlde tań qalmaımyn. Ondaı jaǵdaıda Darıǵa Konstıtýsııaǵa sáıkes Prezıdent oryntaǵyna avtomatty túrde jaıǵasa qalady. Halyqtyń bul «jańalyqty» qýanyshpen qabyldaı qoıýy ekitalaı.
Yqtımal narazylyqtardyń aldyn alý – bıliktiń bas aýrýy bolyp turǵanda myna koronovırýs pandemııasy «izdegenge – suraǵan» bolyp tur. Qandaı «múmkindik», qandaı «tarıhı sát»! Mundaı «múmkindikti» jalpy jiberýge bola ma, aıtyńdarshy?!


Koronovırýstyń Qazaqstandaǵy saıası sındromy menińshe mine, osyndaı.


Jazýshy-pýblısıst Marat Báıdildauly Toqashbaev

(Maqala avtorynyń pikiri Qamshy portalynyń kózqarasyn bildirmeýi múmkin.)

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir