D.Abaev "Qazaqstanda prezıdent aýysady" degen aqparatqa jaýap berdi

QR aqparat jáne qoǵamdyq damý mınıstri Dáýren Abaev Nur Otan partııasy saıası keńesiniń 18 naýryz kúngi otyrysynda prezıdent aýysýy múmkin degen aqparatty teriske shyǵardy, dep jazady  KazTAG.

– Kún tártibinde (Nur Otan partııasy saıası keńesi otyrysynyń – red.) ne kóteriletinin qazir naqty aıta almaımyn. Sizdiń suraǵyńyzǵa kelsem, mundaı asúıdegi áńgimelerdi doǵarýlaryńyzdy suraımyn, shyn sózim. Men aqparat mınıstri retinde buny (18 naýryzda Qazaqstanda prezıdent aýysady degen aqparatty – red) teriske shyǵaramyn, – dedi mınıstr májiliste jýrnalıster suraǵyna jaýap bere.

Buǵan deıin áleýmettik jelide 18 naýryz kúni Nur Otan partııasy saıası keńesiniń otyrysynda Qazaqstannyń qazirgi prezıdenti Q.Toqaev ornyn bosatyp, prezıdenttikke senat tóraǵasy Darıǵa Nazarbaeva taǵaıyndalýy múmkin degen aqparat taralǵan.

Oqı otyryńyz:

♦ Prezıdent jumys kestesine ózgeris engizildi