12 Naýryz, 2020 Saıasat
Qazaqstanda taǵy prezıdent aýysýy múmkin ekeni aıtyla bastady
Bundaı boljamnyń aıtylýyna Qazaqstannyń eksprezıdenti, Qaýipsizdik keńesiniń tóraǵasy Nursultan Nazarbaevtyń 18 naýryz kúni «Nur Otan» partııasy saıası keńesiniń keńeıtilgen otyrysyn ótkizetini týraly málimdemesi sebep bolyp otyr . Bul sheshim budan bir jarym aı buryn jarııalanǵan.
Foto: belsat.eu
Bul týraly Qamshy.kz aqparat agenttigi Jas Alash deregin negizge ala otyryp habarlaıdy.
Derekkóz áýeli «Nur Otan» partııasy saıası keńesiniń keńeıtilgen otyrysyn ótetin ýaqyty taıap qalǵanyn nazarǵa ala otyryp, osy otyrystyń astarynda úlken bir nárse buǵyp jatýy múmkin ekenine nazar aýdarǵan.
"Ol ne? Bul otyrysta qandaı taqyryp talqyǵa túsedi? Partııanyń jaı-japsary, aldaǵy baǵyty deıin deseń, qısynǵa kelmeıdi. «Nur Otan»-nyń baǵyty men ustanymy onsyz da belgili. Sonda bul keńeste tigisi jatqyzylyp, ózekti bolyp óriletin ne bolmaq? Ásirese aıaqastynan bas sanıtar Bekshın myrzanyń «nakones-to, 11-i men 16-sy arasynda Qazaqstanǵa koronavırýs keledi» dep málimdeme jasaýy otqa maı quıa túskendeı boldy. Kóshede de, áleýmettik jelide de alypqashpa, qańqý áńgime gýledi" deı otyryp, sol alypqashpa áńgimeniń birin usynǵan.
Onda:
«Kelesi aptada úlken saıası oqıǵa bolyp, prezıdent aýysýy múmkin. Elbasynyń ózi qaıtadan taqqa otyrady, ne oǵan jaqyn bir adam Toqaevtyń ornyn baspaq. Vırýs týraly áńgime beker emes. Halyq kóshege shyǵyp ketpesin dep, karantın jarııalap jiberý úshin jasalǵan qýlyq bolýy bek múmkin» dep qaýesettiń jurt arasynda aıtylyp júrgenin jazǵan.
♦ Oqı otyryńyz: D.Abaev "Qazaqstanda prezıdent aýysady" degen aqparatqa jaýap berdi
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir