12 Naýryz, 2020 Saıasat
Mıtıng: Máskeýde belsendiler Pýtınnyń bılikten ketýin talap etýde
Kúni keshe Pýtınge 2036 jylǵa deıin eki merzimde prezıdenttik saılaýǵa túsýge múmkindik beretin zańdyq túzetýlerdi Memlekettik dýma qaraǵan bolatyn. Al Máskeý jurty bul sheshimge túbegeıli qarsy bolyp otyr. Tipti, shydamy taýsylǵan halyq "jeter endi, ket" degen jazýy bar plakat ta alyp shyqqan.
Foto: mbk.news
Bul týraly Qamshy.kz aqparat agenttigi MBH medıa deregine súıene otyryp habarlaıdy.
Atalǵan mıtıng Reseı bıligin 20 jyldan astam qolynda ustaǵan Vladımır Pýtınge qarsy uıymdastyrylǵan.
Ol osy ýaqytqa deıin tórt ret saılanyp, eki ret úkimetti basqardy.
Al máskeýlik belsendiler osymen ekinshi kún qatarynan biradamdyq pıketke shyqty. Olar konstıtýsııaǵa engizilgen ózgeristerge qarsy.
"MBH medıa" málimetinshe, aksııaǵa 100-ge jýyq adam jınalǵan. Olar "Jeter endi", "Ket" degen plakattar ustap shyqqan.
"О́zgerister" demekshi, osydan birer kún buryn Reseı Memlekettik dýmasy qazirgi basshy Vladımır Pýtınniń prezıdenttik merzimderin joıý jóninde negizgi zańǵa engizilgen ózgeristerdi maquldaǵany týraly jazǵanbyz.
Ári qaraı oqı otyryńyz: Pýtın taǵynda 2036 jylǵa deıin otyrýy múmkin
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir